રાજકોટના કૃણાલને ગૂગલની 1.40 કરોડ રૂપિયાની ઓફર!
રાજકોટ, 9 નવેમ્બર: દિવસેને દિવસે મોંઘવારી વધતી જઇ રહી છે, તેવામાં પ્રાઇવેટ સેક્ટરમાં નોકરી કરતા દરેક કર્મચારીની એવી ઇચ્છા હોય છે કે તેનો પગાર એટલો તો હોય જેનાથી તે પોતાના પરિવારને ચલાવી શકે, મકાન લઇ શકે, વિમા પોલીસી અને રોકાણ પણ કરી શકે. હવે વિચારો આપને કોઇ 1.40 કરોડ રૂપિયાના વાર્ષિક પગારની ઓફર કરે તો આપ શું કરશો. આપ જરૂર ખુશીથી નાચી ઊઠશો. પરંતુ રાજકોટના કૃણાલ પટેલને ગૂગલે 1.40 કરોડના વાર્ષિક પગારની ઓફર કરી છે.
21 વર્ષીય કૃણાલ પટેલ હાલમાં બિડલા ઇન્સ્ટીટ્યૂટ ઓફ ટેકનોલોજી એંડ સાઇંસેસ (BITS) પિલાનીના ગોવા કેમ્પસમાં અભ્યાસ કરી રહ્યા છે. તેઓ આવતા વર્ષે ઓક્ટોબરમાં સોફ્ટવેર એન્જીનીયર તરીકે ગૂગલ જોઇન્ટ કરશે.
અત્રે નોંધનીય છે ગુજરાતના કોઇ યુવાનને આટલા ઊંચા પગારવાળી નોકરીની ઓફર થઇ હોય તેવી કોઇ પહેલી ઘટના નથી, આ પહેલા પણ આઇઆઇટી અને આઇઆઇએમમાંથી પાસ આઉટ ઘણા ગુજરાતી યુવાનોને મોટી મોટી કંપનીઓએ ઊંચા પગારથી પોતાની કંપનીમાં હાયર કર્યા છે.