8મી Vibrant Gujarat સમીટમાં આ વખતે, શું નવું છે જાણો અહીં...
આ વખત વાઇબ્રન્ટ ગુજરાત સમિટ 2017માં શું નવું છે જાણો અહીં.
નોંધનીય છે કે મંગળવારથી ગાંધીનગર ખાતે 8મી વાઇબ્રન્ટ ગુજરાત સમિટ 2017નું ઉદ્ધાટન કરવામાં આવશે. દર વખતની જેમ આ વખતે પણ વાઇબ્રન્ટ ગુજરાત સફળ રહે તે માટે ગુજરાત સરકાર પૂરું જોર લગાવી રહી છે. ત્યારે આ વખતની વાઇબ્રન્ટ ગુજરાતમાં શું નવું છે તે અંગે વિગતવાર રસપ્રદ માહિતી વાંચો અહીં....
વિજય રૂપાણી
નોંધનીય છે કે મુખ્યમંત્રી તરીકે પહેલી વાર વિજય રૂપાણી વાઇબ્રન્ટ ગુજરાતની આ સમીટને આયોજન કરી રહ્યા છે. સીએમ રૂપાણી અને 2017ની વિધાનસભાની ચૂંટણી માટે આ વાઇબ્રન્ટ ગુજરાત સમિટની સફળતા ખૂબ જ મહત્વ રાખે છે.
1500થી વધુ સ્ટોલ, વાઇફાઇ
પીએમ મોદી આ વખતના વાઇબ્રન્ટ ગુજરાત સમિટનું ઉદ્ધાટન કરશે. આ વખતે દોઢ લાખ ચોરસ કીમી વિસ્તારમાં 1500થી વધુ સ્ટોલ લગાવવામાં આવશે અને 10 અને 11 જાન્યુઆરીએ વેપારી પ્રતિનિધિ મંડળો તેમાં જોડાશે. જ્યારે 12 અને 13મી જાન્યુઆરીથી તેને જાહેર જનતા માટે ખુલ્લુ મૂકાશે. વળી આ કાર્યક્રમમાં ફ્રી વાઇફાઇ મળી રહે તે માટે 150 થી વધુ હોટસ્પોટ અને વાઇ ફાઇ નેટવર્ક ઊભા કરાયા છે.
અમદાવાદમાં ધમધમાટ
નોંધનીય છે કે વાઇબ્રન્ટ ગુજરાત કાર્યક્રમની ઉજવણી ગાંધીનગર ખાતે થવાની છે. પણ તમામ મોટા મહેમાના ઉતરવાના છે અમદાવાદ એરપોર્ટ પર. પીએમ મોદી પણ અમદાવાદ એરપોર્ટ પર જ ઉતરશે. જેથી કરીને અમદાવાદ એરપોર્ટ પર પૂર જોશથી ધમધમાટ જોવા મળી રહ્યો છે. સુરક્ષાની સાવચેતી સાથે જ ચાર્ટર્ડ વિમાનો પણ અહીં ઉતરી શકે તેની તમામ વ્યવસ્થા કરવામાં આવી છે. સાથે જ વિવિધ દેશોથી આવતા પ્રતિનિધિઓનું યોગ્ય સ્વાગત થાય તેની પણ પૂર્ણ ચોક્કસાઇ રાખવામાં આવી છે.
MOU
નોંધનીય છે રૂપાણી સરકાર આ વખતે વાઇબ્રન્ટ દરમિયાન સૌથી વધુ એમઓયુ નોંધાય તે માટે બનતા પ્રયાસો કરી રહી છે. હજી સુધી અંદાજે 22647 એમઓયુના રજિસ્ટ્રેશન થઇ ચૂક્યા છે. જેની અંદાજીત રકમ 30 લાખ કરોડથી વધુ છે. વળી આ વખતે જીઆઇડીસી એરિયા, ફૂડ પ્રોસેસિંગ, ખનીજ, કેમિકલ ક્ષેત્રે વધુ એમઓયુ થયા છે.
ગાંધીનગર રોશનીથી સજ્જ
નોંધનીય છે કે વાઇબ્રન્ટ માટે જ્યારે દુનિયાભરના દેશોના પ્રતિનિધિ અને જાણીતી કંપનીના સીઇઓ હાજરી આપવા આવી રહ્યા છે. ત્યારે ગાંધીનગરમાં ખાસ રોશીન અને શણગાર કરવામાં આવ્યા છે. જેણે લોકોમાં ભારે આકર્ષણ જમાવ્યું છે.
Click it and Unblock the Notifications
Sign in with Google
