માત્ર 31 પૈસાની બાકી હોવાથી SBIએ એનઓસી ન આપી, HCએ ફટકાર લગાવી!
અમદાવાદ : પીડિત ખેડૂતને લાગ્યું કે તેણે બેંકની તમામ લોન ચૂકવી દીધી છે તેથી તે 'નો ડ્યુ સર્ટિફિકેટ' લેવા બેંક પહોંચ્યા તો સ્ટેટ બેંક ઓફ ઈન્ડિયાએ આપેલો જવાબ સાંભળીને ખેડૂત સ્તબ્ધ થઈ ગયા.. બેંકે કહ્યું કે તેના પર હજુ 31 પૈસા બાકી છે, તેથી પ્રમાણપત્ર જારી કરી શકાય નહીં. જ્યારે આ મામલો ગુજરાત હાઈકોર્ટમાં પહોંચ્યો ત્યારે સુનાવણી કરી રહેલા જસ્ટિસ ભાર્ગવ કારિયા પણ આશ્ચર્યચકિત થઈ ગયા હતા. નારાજગી વ્યક્ત કરતા તેમણે કહ્યું કે આટલી નાની રકમ માટે કોઈ બાકીનું પ્રમાણપત્ર ન આપવું એ કંઈ નહીં પરંતુ હેરાનગતિ છે.
અહેવાલ મુજબ જસ્ટિસ કારીયાએ બેંકનું પ્રતિનિધિત્વ કરતા વકીલને કહ્યું, '31 પૈસા બાકી છે? શું તમે નથી જાણતા કે 50 પૈસાથી ઓછા પૈસાની અવગણના કરવી જોઈએ?' ગુસ્સે ભરાયેલા જસ્ટિસ કારિયાએ બેંકને આ મુદ્દે એફિડેવિટ દાખલ કરવા કહ્યું. હવે આ મામલે વધુ સુનાવણી 2 મેના રોજ થશે. રાકેશ વર્મા અને મનોજ વર્માએ અમદાવાદની હદમાં આવેલા ખોરજ ગામમાં શામજીભાઈ પશાભાઈ અને તેમના પરિવાર પાસેથી એક જમીન ખરીદી હતી. અગાઉ પશાભાઈના પરિવારે એસબીઆઈ પાસેથી પાક લોન લીધી હતી. લોન ભરપાઈ થાય તે પહેલા જ પશાભાઈના પરિવારે જમીન વેચી દીધી હતી.
બેંકે 'નો ડ્યુ સર્ટિફિકેટ' જારી કર્યું ન હોવાથી ખરીદદારોના નામે જમીન સંપાદિત કરવામાં આવી ન હતી. આ બાબતને લઈને ખરીદદારોએ વર્ષ 2020માં હાઈકોર્ટનો સંપર્ક કર્યો હતો. અરજદારે કેસ પેન્ડિંગ દરમિયાન લોનની સંપૂર્ણ ચુકવણી કરી દીધી, પરંતુ બેંકે હજુ પણ પ્રમાણપત્ર આપ્યું ન હતું, જેના કારણે ખરીદદારોને જમીન ટ્રાન્સફર કરી શકાઈ નથી.
જ્યારે કોર્ટે બેંકને આનું કારણ પૂછ્યું તો બેંકે કોર્ટને 31 પૈસાની બાકી રકમની માહિતી આપી. આ મામલાની સુનાવણી કરતા જજ ગુસ્સે થઈ ગયા અને કહ્યું કે રાષ્ટ્રીયકૃત બેંક હોવા છતાં SBI લોકોને હેરાન કરે છે. ન્યાયાધીશે કહ્યું કે કાયદા હેઠળ એવી જોગવાઈ છે કે 50 પૈસાથી ઓછી કોઈ પણ વસ્તુની ગણતરી ન કરવી જોઈએ.
Click it and Unblock the Notifications
Sign in with Google
