ગુજરાત આવવા મજબૂર કરી દે છે રાજ્યની આ ધરોહરો

Published: Tuesday, April 2, 2013, 12:55 [IST]

વિકાસ હોય, ખાણી-પીણી હોય, વ્યાપારી સ્વભાવ હોય કે પછી હરવાં-ફરવાંની વાત હોય. ગુજરાતે હંમેશા દેશ અને વિદેશમાં પોતાનો ડંકો વગાડ્યો છે, અને એટલા માટે જ આજે ગુજરાત એક વિકસીત રાજ્યની સાથો-સાથ પ્રવાસન રાજ્ય તરીકે પણ ઉભરી રહ્યું છે, રાજ્યમાં આવેલા વિવિધ નિહાળવાલાયક સ્થળોના કારણે વિશ્વસની સુપ્રસિદ્ધ પ્રવાસી મેગેઝિને પણ ગુજરાતને વિશ્વના ટોપ 10 જોવાલાયક સ્થળોની યાદીમાં ત્રીજા નંબરે સ્થાન આપ્યું છે.

મુખ્યમંત્રી નરેન્દ્ર મોદી કહે છે તેમ કે ગુજરાતના કોઇપણ ખૂણે 20 કિ.મીની અંદર તમને વિકાસનું કોઇને કોઇ કામ થતું જોવા મળશે, તેવી જ રીતે તમે ગુજરાતના કોઇપણ ખૂણે જાઓ, તમને એક સ્થળ તો એવું મળી જ જશે, જેણે પોતાની ગોદમાં જોવાલાયક આ ધરોહરને છૂપાવીને રાખી હશે, ક્યાંક આ નજારો પૌરાણિક અને પ્રાચિનતાની બેનમૂન જોડ હશે તો ક્યાંક નવનીર્મિત સ્થળ હશે જે પોતાને ગુજરાતના પ્રવાસન ઇતિહાસમાં એક અદકેરું સ્થાન અપાવવા સક્ષમ હશે. અહીં આવા જ કેટલાક સ્થળો અંગેની તસવીરી ઝલક રજૂ કરવામાં આવી છે, જેમાં ગુજરાતના સુપ્રસિદ્ધ જોવાલાયક સ્થળો દર્શાવવામાં આવ્યા છે. જે ગુજરાત પ્રવાસન વિભાગની જાહેરાત કે જેમાં બોલિવૂડના મહાનાયક અમિતાભ બચ્ચન દ્વારા કહેવામાં આવતા વાક્ય 'ગુજરાત નહીં દેખા તો કૂછ નહીં દેખા'ને યથાયોગ્ય રીતે સાર્થક કરે છે.

તો ચાલો તસવીરોના માધ્યમથી નિહાળીએ ગુજરાતના એ જોવાલાયક સ્થળોને....(તમામ તસવીરોઃ ગુજરાત ટૂરિઝમની વેબસાઇટ પરથી લેવામાં આવી છે)