• search

અન્ન સુરક્ષા યોજના માટે સોનિયા આવતા મહિને ગુજરાત આવી શકે

Subscribe to Oneindia News
For Quick Alerts
ALLOW NOTIFICATIONS
For Daily Alerts
    sonia-gandhi
    ગાંધીનગર, 12 જુલાઇ : આ સપ્તાહે ભારત સરકારે ખાદ્ય સુરક્ષા ધારો અમલમાં લાવવા વટહુકમ બહાર પાડયો છે. ગરીબો માટેનો આ કલ્‍યાણકારી કાયદો સ્‍વર્ગસ્‍થ વડાપ્રધાન રાજીવ ગાંધીની જન્મજયંતિ 20 ઓગષ્‍ટથી અમલમાં લાવવાની તૈયારી ચાલી રહી છે.

    આ યોજના લોકસભાની ચૂંટણી માટે કોંગ્રેસ તરફી ગેમચેન્‍જર બની રહેશે તેવી કોંગ્રેસીઓને શ્રધ્‍ધા છે. યોજનાના ફાયદાના વ્‍યાપક પ્રચાર માટે કોંગ્રેસના રાષ્‍ટ્રીય પ્રમુખ સોનિયા ગાંધી અને રાહુલ ગાંધી દેશાવ્‍યાપી પ્રવાસ કરવાના છે. ગુજરાતમાં ટુંક સમયમાં સોનિયા ગાંધીની જંગી રેલી (સભા) યોજવાનું આયોજન હાથ ધરાયુ છે. સભાનું સ્‍થળ અને તારીખ હવે પછી નક્કી થશે.

    સોનિયા ગાંધીના પ્રવાસ પહેલાના આયોજન પેટે રાજયમાં તાલુકા મથકો સુધી કોંગ્રેસ દ્વારા વિવિધ કાર્યક્રમો યોજશે. ગુજરાત પ્રવાસની સાથે સોનિયા સંસદની ચૂંટણીમાં પ્રચારનું રણશિંગુ ફૂંકે એવી શક્યતા છે. સંગઠનના હેતુસર રાહુલ ગાંધી પણ પ્રવાસ કરશે.

    કોંગ્રેસની આગેવાનીવાળી યુપીએ સરકારે દેશના ગરીબોને રૂપિયા 1થી રૂપિયા 4ના કિલો લેખે અનાજ-કઠોળ જેવી જીવનજરૂરી ચીજવસ્‍તુઓ આપવા માટે અન્‍ન સુરક્ષા ધારા નામે યોજના બનાવી છે. મંત્રી મંડળે આ અંગે બહાર પાડેલા વટહુકમ પર રાષ્‍ટ્રપતિએ સહી કરી દેતા હવે ગમે તે દિવસથી તેના અમલનો રસ્‍તો ખુલ્લો થઇ ગયો છે.

    કોંગ્રેસ ગરીબો માટેની આ અન્‍ન યોજનાને ચૂંટણી પ્રચારનો મુદ્દો બનાવી લાભ લેવા માંગે છે. ભાજપ સહિતના વિપક્ષો તરફથી વડાપ્રધાન પદ માટે નરેન્‍દ્ર મોદીને આગળ કરવાની ગતિવિધિ ચાલી રહી છે તેની સામે કોંગ્રેસે ગરીબોને અન્‍ન સહાય આપવાની યોજના અમલમાં મુકી મોદીનો સંભવિત દેશવ્‍યાપી પ્રભાવ ખાળવાનો પ્રયાસ કર્યો છે. ગુજરાતમાં તેના ધમાકેદાર પ્રારંભ માટે ખુદ સોનિયા ગાંધી આવનાર છે તેવુ કોંગ્રેસના ટોચના વર્તુળો જણાવે છે. સોનિયા અન્‍ય રાજયોમાં પણ આ યોજના સંદર્ભે રેલી કરશે.

    સંસદની ચૂંટણી પુર્વે પાંચ રાજયોમાં ધારાસભાની ચૂંટણી આવી રહી છે તે પુર્વે આ યોજનાનો અમલ શરૂ કરી ગરીબોના મતો મોટા પ્રમાણમાં ખેંચવાની કોંગ્રેસની ગણતરી છે. ભાજપ દ્વારા આ યોજનાને ચૂંટણીલક્ષી ગણાવી વિરોધ કરવામાં આવી રહ્યો છે તેની સામે કોંગ્રેસ આ યોજનાનો ઝડપી અમલ અને ઝંઝાવાતી પ્રચાર કરવા માંગે છે.

    ગુજરાતમાં કરોડો લોકોને આ યોજનાનો લાભ મળવા પાત્ર બનશે. સોનિયા ગાંધીના પ્રવાસ પુર્વે પ્રદેશ કોંગ્રેસ દ્વારા તમામ જિલ્લા અને તાલુકા મથકોએ આ યોજનાને કેન્‍દ્ર સરકારની સિદ્ધિ તરીકે દર્શાવી તે બાબતે પ્રજાને જાગૃત કરવા અને યોજનાના મબલખ ફાયદા વર્ણવવા વિવિધ કાર્યક્રમો થનાર છે.

    English summary
    Sonia may visit Gujarat next month for food security scheme.

    For Breaking News from Gujarati Oneindia
    Get instant news updates throughout the day.

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more