Surat diamond bourse : દુનિયાની સૌથી મોટી ઓફિસ બિલ્ડીંગ છે સુરતની ડાયમંડ બુર્સ, જાણો શું છે ખાસ?
દુનિયાભરમાં ડાયમંડ હબની ઓળખ તરીકે ઓળખવામાં આવતા સુરતના નામે વધુ એક સિદ્ધી ઉમેરાવા જઈ રહી છે. અહીં રવિવારે દુનિયાના સૌથી મોટા ઓફિસ બિલ્ડીંગનું ઉદઘાટન થવા જઈ રહ્યું છે.
PM નરેન્દ્ર મોદી રવિવારે વિશ્વના સૌથી મોટા કોર્પોરેટ ઓફિસ હબ સુરત ડાયમંડ બુર્સનું ઉદ્ઘાટન કરવા જઈ રહ્યા છે. 3400 કરોડના ખર્ચે 35.54 એકર જમીનમાં બનેલી આ ઇમારત વિશ્વની સૌથી મોટી ઓફિસ બિલ્ડિંગ છે.
આ ઇમારતને હીરાના વેપાર કેન્દ્ર તરીકે વિકસાવવામાં આવી છે. વડાપ્રધાન આ જ દિવસે સુરત એરપોર્ટના નવા ટર્મિનલ બિલ્ડીંગનું ઉદ્ઘાટન પણ કરશે. જેને તાજેતરમાં આંતરરાષ્ટ્રીય એરપોર્ટ જાહેર કરવામાં આવ્યું છે.
સુરત ડાયમંડ બુર્સ પોતાનામાં એક ખૂબ જ અનોખી ઇમારત છે. આ ઓફિસ બિલ્ડીંગ પેન્ટાગોન કરતા પણ મોટી છે. તે સુરત શહેર નજીક ખાજોદ ગામમાં આવેલી છે. ડાયમંડ બુર્સ એ વિશ્વની સૌથી મોટી ઇન્ટરકનેક્ટેડ ઇમારત છે, તેમાં 4,500 થી વધુ ઇન્ટરકનેક્ટેડ ઓફિસો છે.
આ ઈમારત બહારથી દેખાય જેટલી ભવ્ય દેખાય છે તેટલી જ અંદરથી સુખ-સુવિધાઓથી સજ્જ છે. તે વિશ્વની ડાયમંડ કેપિટલ સુરતમાં વન સ્ટોપ ડેસ્ટિનેશન તરીકે બનાવવામાં આવ્યું છે. તેની ઇમારતો કુલ 15 માળની છે. તેને કુલ નવ લંબચોરસ માળખાં તરીકે બાંધવામાં આવી છે અને આ તમામ ઇમારતો એક કેન્દ્રિય કરોડરજ્જુ દ્વારા એકબીજા સાથે જોડાયેલી છે.
સુરત વિશ્વની ડાયમંડ રાજધાની તરીકે જાણીતું છે. અહીં વિશ્વના 90 ટકા હીરાને તરાશવામાં આવે છે. આ કોમ્પ્લેક્સ બનાવનાર કંપનીના અનુસાર, તેમાં 7.1 મિલિયન ચોરસ ફૂટથી વધુ ફ્લોર સ્પેસ છે. તેને નવી દિલ્હી સ્થિત ભારતીય આર્કિટેક્ચર ફર્મ મોર્ફોજેનેસિસ દ્વારા ડિઝાઇન કરવામાં આવી છે. સીએનએન અનુસાર, આ પ્રોજેક્ટ્સની કિંમત લગભગ 32 અબજ રૂપિયા છે.
Click it and Unblock the Notifications
Sign in with Google
