પશુપાલકોનો રોષ, રખડતા પશુને પકડવા ગયેલ ટીમ પર હુમલો
સુરતમાં કોર્પોરેશનની ટીમે રખડતા પશુઓને પકડવાની કાર્યવાહી હાથ ધરી. જેમા પશુપાલકો દ્રારા તેમના ઉપર હુમલો કરવામાં આવ્યો હતો.
સુરતના ઉધના વિસ્તારમાં કોર્પોરેશનની ટીમે રખડતા પશુઓને પકડવાની કાર્યવાહી હાથ ધરી હતી. ઉધના વિસ્તારના નિવાસીઓએ ફરિયાદ કરી હતી કે, વિસ્તારમાં રખડતાં પશુઓનો ત્રાસ વધતો જાય છે. આથી પશુઓને પકડવાની કાર્યવાહી હાથ ધરવામાં આવી હતી. જો કે, પશુપાલકોને આ વાતની જાણ થતાં તેમણે કોર્પોરેશનની ટીમ પર હુમલો કર્યો હતો.
કોર્પોરેશનની ટીમ જયારે રખડતા પશુઓને પકડી રહી હતી તે દરમિયાન પશુપાલકો મોટી સંખ્યામાં પહોંચી ગયા હતા અને તેમણે કોર્પોરેશનની ટીમ જોડે ઉગ્ર બોલાચાલી કરી હતી. ટોળામાંના કેટલાક ઉશ્કેરાયેલા લોકોએ કોર્પોરેશનની ટીમ પર હુમલો કરી દીધો હતો.
આ અંગે જાણ થતાં જ પોલીસ તાત્કાલિક ઘટના સ્થળે પહોંચી હતી. પશુપાલકો પોલીસની પણ સામે થયા હતા અને આ કારણે પોલીસ અને પશુપાલકો વચ્ચે ઘર્ષણ સર્જાયું હતું. પોલીસે આ મામલે કેટલાક લોકોની અટકાયત કરી આગળની કાર્યવાહી હાથ ધરી છે.
{promotion-urls}
Click it and Unblock the Notifications
Sign in with Google
