'ભાજપને નહીં પાકિસ્તાનને પડકાર ફેંકે કેન્દ્ર'

By Super

Updated: Saturday, February 7, 2015, 14:44 [IST]

નવી દિલ્હી, 14 માર્ચઃ શ્રીનગરમાં થયેલા ફિદાયીન હુમલા પર લોકસભામાં ચર્ચા દરમિયાન વિપક્ષી નેતા સુષમા સ્વરાજે કેન્દ્ર સરકાર પર જોરદાર પ્રહારો કર્યા. સુષમાએ કહ્યું કે સરકાર ભાજપને પડકાર કરવાના બદલે એક થાઓ અને પાકિસ્તાનને પડકાર ફેંકો. તેમણે સરકારને પૂછ્યું કે શું આપણે શ્રદ્ઘાંજલિ જ આપતા રહીશું અને આતંકીઓ હુમલો કરતા રહશે? સુષમા સ્વરાજે પૂછ્યું કે હાલતા આપણે ત્યાં આતંકવાદી હુમલાઓ થાય છે, આપણા સૈનિકો માર્યા જાય છે અને આપણે શ્રદ્ધાંજલિ આપને ચૂપ થઇ જઇએ છીએ. શું આપણે અસહાય છીએ? નેતા પ્રતિપક્ષે કહ્યું કે દરેક હુમલામાં પાકિસ્તાન સમર્થિત આતંકવાદીઓ હોય છે, તેના પુરાવાઓ પણ છે, પરંતુ સરકારને તેનાથી કોઇ ખાસ મતલબ નથી. આપણા વિદેશમંત્રી પાકિસ્તાની પ્રધાનમંત્રીનું ભારતમાં સ્વાગત કરે છે. ભાજપ નેતા યશવંત સિન્હાએ પણ સરકાર પર આકરા પ્રહારો કર્યા.

લોકસભામાં ચર્ચા દરમિયાન ગૃહમંત્રીએ આતંકી હુમલા પર જવાબ આપતા કહ્યું કે આ આતંકી હુમલાનું કનેક્શન પાકિસ્તાન સાતે છે. અમે એવું એટલા માટે કહીં રહ્યાં છી એકે આપણે ઠાર મારેલા આતંકીઓ પાસેથી ઘણા પુરાવાઓ મળ્યા છે. સુરક્ષાદળોના બે આતંકીઓની ડાયરી મળી છે. ડાયરીમાં ઉર્દુમાં કંઇક લખેલું છે. તેમાં કેટલાક નંબરો છે જે પાકિસ્તાનના છે. સુશીલ કુમાર શિંદેએ કહ્યું કે, માર્યા ગયેલા આતંકીઓ પાસે દવા અને ટ્યૂબ મળી છે. જે કરાચીમાં બનેલી છે.

લોકસભામાં ચર્ચા દરમિયાન વિપક્ષે સરકારને ટીકાત્મક પ્રહારો કર્યા. ચર્ચા દરમિયાન સત્તા પક્ષ અને વિપક્ષ વચ્ચે જોરદાર હંગામો મચ્યો. આ હંગામા વચ્ચે જ ગૃહમંત્રીએ પોતાનો પક્ષ મુક્યો. નેતા પ્રતિપક્ષ સુષમા સ્વરાજે વિદેશમંત્રી સલમાન ખુરશીદને આડાહાથે લીધા હતા.