ઉમરાળા: ૨૧ ફેબ્રુઆરીએ તાલુકા કક્ષાનો સ્વાગત ફરિયાદ નિવારણ કાર્યક્રમ યોજાશે

By Desk

Published: Sunday, February 4, 2024, 10:56 [IST]

ભૂપેન્દ્ર પટેલની આગેવાની હેઠળની સરકારમાં તંત્ર સુસજ્જ રીતે કાર્ય કરતું થઇ ગયું છે. તાલુકા કક્ષાના અધિકારીઓથી માંડીને મુખ્યમંત્રી સુધી ફરિયાદ નિવારણ કાર્યક્રમો યોજવામાં આવે છે. આ અન્વયે તાલુકા કક્ષાનો ફેબ્રુઆરી-૨૦૨૪ નો તાલુકા ફરિયાદ નિવારણ કાર્યક્રમ આગામી તા. ૨૧/૦૨/૨૦૨૪ ને બુધવાર ના રોજ સવારે ૧૧-૦૦ કલાકે ઉમરાળા ,મામલતદાર કચેરી ખાતે યોજવામાં આવનાર છે.

આ ફરીયાદ નિવારણ કાર્યક્રમમાં સર્વિસ મેટર, નિતી વિષયક, કોર્ટ મેટર તથા સામુહીક પ્રશ્નો સિવાયની અરજી કે જે તાલુકા કક્ષાએ નિર્ણય લઇ શકાય તેવા પોતાને લગતા પ્રશ્ન અંગેની અરજી અરજદાર પોતે રૂબરૂ આધાર પુરાવા તથા પોતાનાં પુરા નામ-સરનામા અને મોબાઇલ નંબર સાથે રજુઆત કરવાની રહેશે, અને આવા પ્રશ્નો માટેની અરજી તા.૧૦/૦૨/૨૦૨૪ સુધીમા કચેરી સમય ૬:૧૦ કલાક સુધી સ્વીકારવામાં આવશે.

Published On February 4, 2024