વર્લ્ડ હેરિટેજ માટે શોર્ટલિસ્ટ કરાયું કચ્છનું ઘુડખર અભયારણ્ય

ગાંધીનગર, 13 ઑક્ટોબરઃ વિશ્વમાં માત્ર એક જ ઘુડખર અભયારણ્ય એવા કચ્છના નાના રણના ઘુડખર(જંગલી ગધેડા) અભયારણ્યને યુનેસ્કો દ્વારા વિશ્વ હેરિટેજ સાઇટ્સની યાદી માટે શોર્ટલિસ્ટ કરવામાં આવ્યું છે. અદભૂત વૈશ્વિક મહત્વ આંકી 962 જેટલાં કુદરતી અને સાંસ્કૃતિક ઐતિહાસિક વારસાને ઉમેરીને વર્લ્ડ હેરિટેજ કમિટિ દ્વારા આ વર્લ્ડ હેરિટેજ લિસ્ટમાં સમાવવામાં આવી છે.

કચ્છના નાના રણનું આ અભયારણ્ય 5000 સ્ક્વેર કિલોમિટર્સમાં આવેલું છે. વિશ્વનું આ એકમાત્ર સ્થળ છે જ્યાં ઘુડખર એટલે કે જંગલી ગધેડા જીવંત છે અને જોવા મળે છે.

ઘુડખર અભયારણ્ય પહેલાં વર્લ્ડ હેરિટેજ સાઇટ્સના લિસ્ટ માટે યુનેસ્કો દ્વારા ધોલાવિરા, રાણીની વાવ( પાટણ) અને ઐતિહાસિક શહેર અમદાવાદને પણ આ યાદીમાં મુકવામાં આવ્યા છે.

અત્રે એ વાત ઉલ્લેખનીય છે કે, વર્લ્ડ હેરિટેજની યાદીમાં આ પહેલા યુનેસ્કો દ્વારા પાવાગઢના ચાંપાનેરનો પણ સમાવેશ કરવામાં આવ્યો છે. ત્યારે ગુજરાતે ગર્વ લેવા જેવી બાબત છે કે હવે આ યાદીમાં સ્થાન પામવા માટે ઘુડખર અભયારણ્ય પણ તૈયાર છે.

English summary

UNESCO shortlists The Wild Ass Sanctuary in Little Rann of Kutch in the list of World Heritage Sites. The Wild Ass Sanctuary is 4th Heritage Site fro Gujarat to enter into the list of UNESCO’s World heritage Sites.