રેલવે મુસાફરો માટે ખુશખબર: વેરાવળ-બાન્દ્રા ટર્મિનસ વચ્ચે દોડશે સ્પેશિયલ ટ્રેન, જાણો ક્યારથી શરૂ થશે બુકિંગ
Railway News: સોમનાથ અને આસપાસના વિસ્તારના મુસાફરો માટે પશ્ચિમ રેલવે દ્વારા રાહતના સમાચાર સામે આવ્યા છે. ટ્રેનોમાં સતત વધી રહેલી ભીડને નિયંત્રિત કરવા અને મુસાફરોની સગવડતા માટે વેરાવળ અને બાન્દ્રા ટર્મિનસ (મુંબઈ) વચ્ચે ખાસ "વીકલી સ્પેશિયલ ટ્રેન" ચલાવવાનો નિર્ણય લેવામાં આવ્યો છે. આ ટ્રેન આગામી રવિવારથી કાર્યરત થશે.
વેરાવળ-બાન્દ્રા સ્પેશિયલ ટ્રેનનું સમયપત્રક
1. ટ્રેન નંબર 09018 (વેરાવળથી બાન્દ્રા ટર્મિનસ)
- સમયગાળો: 26 જાન્યુઆરીથી 23 ફેબ્રુઆરી, 2026 સુધી.
- દિવસ: દર સોમવારે વેરાવળથી સવારે 11.05 કલાકે ઉપડશે.
- આગમન: બીજા દિવસે વહેલી સવારે 04.55 કલાકે બાન્દ્રા ટર્મિનસ પહોંચશે.
- તારીખ: 26 જાન્યુઆરી, 02, 09, 16 અને 23 ફેબ્રુઆરીએ આ ટ્રેન ઉપલબ્ધ રહેશે.
2. ટ્રેન નંબર 09017 (બાન્દ્રા ટર્મિનસથી વેરાવળ)
- સમયગાળો: 25 જાન્યુઆરીથી 22 ફેબ્રુઆરી, 2026 સુધી.
- દિવસ: દર રવિવારે બાન્દ્રાથી બપોરે 14.40 કલાકે પ્રસ્થાન કરશે.
- આગમન: બીજા દિવસે સવારે 08.05 કલાકે વેરાવળ પહોંચશે.
- તારીખ: 25 જાન્યુઆરી, 01, 08, 15 અને 22 ફેબ્રુઆરીએ દોડશે.
કયા-કયા સ્ટેશનો પર મળશે સ્ટોપેજ?
આ ટ્રેન મુસાફરોની સુવિધા માટે સૌરાષ્ટ્ર અને મધ્ય ગુજરાતના મહત્વના સ્ટેશનો પર ઉભી રહેશે. કેશોદ, જૂનાગઢ, જેતલસર, ગોંડલ, રાજકોટ, સુરેન્દ્રનગર જંકશન, અમદાવાદ, આણંદ, વડોદરા, સુરત, વાપી અને બોરીવલી સ્ટેશનો પર રોકાશે.
કોચ સુવિધા અને બુકિંગ વિગતો
આ સ્પેશિયલ ટ્રેનમાં મુસાફરોની જરૂરિયાત મુજબ સેકન્ડ એસી (2AC), થર્ડ એસી (3AC), સ્લીપર ક્લાસ અને જનરલ કોચની સુવિધા આપવામાં આવી છે.
બુકિંગ ક્યારથી? આ ટ્રેન (09018/09017) માટે ટિકિટનું બુકિંગ આવતીકાલે એટલે કે 22 જાન્યુઆરી, 2026 (ગુરુવાર) થી શરૂ થશે. મુસાફરો રેલવેના આરક્ષણ કેન્દ્રો અથવા IRCTCની અધિકૃત વેબસાઇટ પરથી પોતાની ટિકિટ બુક કરાવી શકશે.
વધુ માહિતી માટે મુસાફરો ભારતીય રેલવેની વેબસાઇટ www.enquiry.indianrail.gov.in ની મુલાકાત લઈ શકે છે.
Click it and Unblock the Notifications
Sign in with Google
