મોહાલીમાં 48 કલાકમાં બનશે 10 માળની ઇમારત!

મોહાલી 1 ડિસેમ્બર: પંજાબના મોહાલીમાં એક આશ્ચર્યજનક ઘટના ઘટવા જઇ રહી છે, જેની તરફ દરેક લોકો મીટ માંડીને બેઠા છે. પંજાબના મોહાલી શહેરમાં એક 10 માળની ઇમારત માત્ર 48 કલાકમાં બનીને તૈયાર થવા જઇ રહી છે. લોકો માટે ગુરૂવારનો દિવસ આશ્ચર્યસભર રહ્યો, જ્યારે લોકોએ ખુલી આંખોથી એક એવી ઇમારત બનતા જોઇ જેના દસ માળ આવતા 48 કલાકમાં બનીને તૈયાર થઇ જવાના છે.

પંજાબના ઉપ મુખ્યમંત્રી સુખબીર સિંહ બાદલે મોહાલીના ઇન્ડસ્ટ્રિયલ એરિયા ફેઝ-1માં સિનર્જી કંપનીના 2600 વર્ગ ફૂટ જમીનમાં બની રહેલી આ ઇમારતનું લગભગ ગુરૂવારે સાંજે ભૂમિપૂજન કરવામાં આવ્યું અને લગભગ સાત વાગ્યાની આસપાસ આ ઇમારતનો પહેલો માળ તૈયાર થઇ ગયો હતો.

શુક્રવારે બપોરે 3 કલાકે આ ઇમારતના છ માળ તૈયાર કરી દેવાયા હતા. આ ઇમારતને બનાવવામાં ઇન્જીનિયરો અને સુપરવાઇજરો સહિત કુલ 200 લોકો લાગેલા છે. ઇમારતને બનાવવા માટે ઉપયોગમાં આવનાર સામાનને પહેલા જ બનાવીને તૈયાર રખાયો હતો, હવે માત્ર તેને જોડવાનું કામ ચાલી રહ્યું છે. આજે શનિવારે સાંજે 7 વાગ્યા સુધી આ ઇમારતનું કામકાજ પૂરૂ થઇ જવું જોઇએ.

English summary

10-storey building which is being planned to be erected within a record time of 48 hours will be ready by this evening in mohali.