ગુજરાતના રમખાણો બાદ થયું ઇન્ડિયન મુઝાહિદ્દીનનું ગઠન: શકીલ અહેમદ

નવી દિલ્હી, 21 જુલાઇ : કોમ્યુનલના મુદ્દાને ફરી સળગાવવાનું કામ કોંગ્રેસના મહાસચિવ શકીલ અહેમદે કર્યું છે. તેમણે આતંકી સંગઠનોના ઉદભવ થવાનું કારણ બીજેપી અને આરએસએસની રાજનીતિને કારણભૂત ગણાવ્યા. રવિવારે તેમણે દાવો કર્યો છે કે 2002ના ગુજરાત રમખાણોના પગલે આતંકવાદી સંગઠન ઇન્ડિયન મુઝાહિદ્દીનનું ગઠન થયું છે.

અહેમદે ટ્વિટર પર લખ્યું છે કે 'એનઆઇએ પોતાના આરોપ પત્રમાં જણાવ્યું છે કે ગુજરાતના રમખાણો બાદ ઇન્ડિયન મુઝાહિદ્દીનનું ગઠન થયું. બીજેપી અને આરએસએસ હજી પણ પોતાની કોમ્યુનલ રાજનીતિમાંથી બહાર નહીં આવે.'

કોંગ્રેસ મહાસચિવનો જ્યારે આ બાબતે સંપર્ક કરવામાં આવ્યો તો તેમણે જણાવ્યું કે આતંકવાદના મુદ્દા પર પ્રતિક્રિયા માટે બીજેપીની સાંપ્રદાયિક રાજનીતિ જવાબદાર છે.

તેમણે જણાવ્યું કે 'ઇન્ડિયન મુઝાહિદ્દીનની સ્થાપનાની પાછળ 2002ના રમખાણો જવાબદાર છે. જો તેઓ પોતાની સાંપ્રદાયિક રાજનીતિ છોડી દે તો આઇએમ જેવા સંગઠન બનવા બંધ થઇ જશે.' અહમદે આરોપ લગાવ્યો છે કે 'દેશમાં સાંપ્રદાયિકતાનો મુખ્ય સ્રોત આરએસએસ અને બીજેપી છે. જે લોકો સાંપ્રદાયિક રાજનીતિ રોકવા માંગે છે, તેમને બીજેપી અને સંઘ પર દબાણ બનાવવું જોઇએ.'

English summary

Congress general secretary Shakeel Ahmed on Sunday claimed that it was the 2002 Gujarat riots that led to the formation of terror outfit Indian Mujahideen.