મહારાષ્ટ્રઃ 400 ફૂટ ઉંડી ખીણમાં પડી બસ, 27એ ગુમાવ્યો જીવ
આ ઘટના સવારે 10.30 વાગ્યે બન્યો. આ બનાવ અંગે જાણવા મળ્યા અનુસાર, મહારાષ્ટ્ર રાજ્ય માર્ગ પરિવહન નિગમની ઠાણે-અહમદનગર બસ રોડ પરથી લપસી ગઇ હતી અને બસ ઉંડા ખાડામાં પડી હતી. ઠાણે ગ્રામીણ પોલીસના એક અધિકારીએ જણાવ્યું કે, પ્રારંભિક તપાસ અનુસાર, ઘાટ રોડ પર પર્વતીય ઢાળ પર ડ્રાઇવરે બસ પરથી પોતાનો કાબૂ ગુમાવી દીધો હતો, જેના કારણે 45 મુસફારોને લઇ જઇ રહેલી બસ ખાડામાં પડી હતી.
ઠાણે અને પુણેના સ્થાનિક ગ્રામીણો, પોલીસ અને ફાયર બ્રિગેડના કર્મચારીઓ દ્વારા પીડિતોને બચાવવાનું કામ હાથમાં લીધુ હતુ. પર્વતીય ઢાળના કારણે બચાવ કાર્યમાં મુશ્કેલીઓ આવી રહી છે. પોલીસે કહ્યું કે, કેટલાક ઇજાગ્રસ્તોને મુર્બાદ અને ઠાણેની હોસ્પિટલમાં સારવાર અર્થે મોકલવામાં આવ્યા છે. મૃતકોની સંખ્યા વધે તેવી આશંકા વ્યક્ત કરવામાં આવી છે.
Click it and Unblock the Notifications
Sign in with Google
