ઓનલાઈન ગેમિંગ અને કેસિનો પર 28 ટકા જીએસટી યથાવત રહેશે, જાણો શું કહ્યું નાણામંત્રીએ?

આજે નાણામંત્રી નિર્મલા સીતારમણની અધ્યક્ષતામાં જીએસટી કાઉન્સિલની બેઠક યોજાઈ હતી. આ બેઠકમાં ઘણા મહત્વના નિર્ણયો લેવાયા છે. આ નિર્ણયોમાં સૌથી મહત્વનો નિર્ણય ઓનલાઈન ગેમિંગને લઈને લેવાયો છે.

નાણામંત્રી નિર્મલા સીતારમણની અધ્યક્ષતામાં યોજાયેલી જીએસટી કાઉન્સિલની આ બેઠકમાં ઓનલાઈન ગેમિંગ, હોર્સ રેસિંગ અને કેસિનો પર 28 ટકા GST લાગુ કરવાનો નિર્ણય લેવામાં આવ્યો છે.

જણાવી દઈએ કે, મની લોન્ડરિંગ અને ટેક્સ ચોરીના વધતા જતા મામલાઓને લઈને આ બાબતો પણ કેન્દ્ર સરકાર પણ કડક નિર્ણય લઈ શકે છે. મીડિયા રિપોર્ટ અનુસાર, આ તમામ કંપનીઓ પર પ્રતિબંધ લાગી શકે છે.

કેન્દ્રીય નાણામંત્રી નિર્મલા સીતારમણે કહ્યું કે, આ 1 ઓક્ટોબરથી લાગુ થવાની અપેક્ષા છે. આ સિવાય આ નિર્ણયના અમલના 6 મહિના પછી તેની સમીક્ષા કરવામાં આવશે. નાણાંમંત્રીએ જણાવ્યુ કે, હું કહું છું કે 6 મહિનાનો અર્થ એ નથી કે આજથી શરૂ કરો, તે જ્યારે અમલમાં આવે ત્યારથી 6 મહિના શરૂ થશે.

#WATCH | Union Finance Minister, Nirmala Sitaraman says, "It (28% GST on online gaming & casinos) is expected to be implemented from 1st October... It is also decided that this decision will be reviewed after six months after it is implemented. When I say six months it does not… pic.twitter.com/vBOhCZrv4w

— ANI (@ANI) August 2, 2023

મહેસૂલ સચિવ સંજય મલ્હોત્રાએ જણાવ્યુ કે, સટ્ટાબાજી પહેલાથી જ GSTના દાયરામાં છે અને તેનાથી તે કાયદેસર નથી થઈ જતી. સટ્ટો અને જુગાર ગેરકાયદેસર છે અને કરના દાયરામાં આવે છે. ઓનલાઈન ગેમિંગ પર ટેક્સ લગાવવાથી એ રાજ્યોમાં ઓનલાઈન ગેમ્સ કાયદેસર નહીં બને જેમને તેના પર પ્રતિબંધ મુક્યો છે.

English summary

28 percent GST on online gaming and casino will remain, know what the finance minister said?