Earthquake: હરિયાણામાં ભૂકંપથી ફરી ધ્રુજી ધરતી, લોકોમાં ડરનો માહોલ, જાણો કેટલી હતી તીવ્રતા

Earthquake in Haryana: હરિયાણામાં ભૂકંપનો આંચકો આવ્યો. રોહતકમાં 3.3ની તીવ્રતાના ભૂકંપથી લોકોમાં ભયનો માહોલ જોવા મળ્યો. રોહતકમાં બુધવારે રાત્રે 12:46 વાગ્યે ભૂકંપનો આંચકો આવ્યો જેનું કેન્દ્રબિંદુ રોહતક શહેરથી માત્ર 17 કિમી પૂર્વમાં જમીનમાં 10 કિમી ઊંડાઈએ હતું. રોહતકમાં ખેરી સાંપલા અને ખારખૌડા જેવા નજીકના શહેરોના રહેવાસીઓએ બેથી પાંચ સેકન્ડ સુધી ભૂકંપના આંચકાનો અનુભવ કર્યો. અધિકારીઓએ જણાવ્યું છે કે આ ભૂકંપને કારણે જાનમાલના નુકસાનના કોઈ સમાચાર નથી.

રોહતકમાં ભૂકંપથી લોકો ભયભીત

રોહતકમાં મોડી રાત્રે ભૂકંપના કારણે અચાનક ધરતી હલવા લાગતા લોકો ભયભીત થયા હતા. લોકો ભયના માર્યા ઘરમાં પણ ના જતા આખી રાત ઘરની બહાર પસાર કરી. ભૂકંપમાં હજુ સુધી કોઈ સંપત્તિ કે જાનહાનિ થયાના સમચાર સામે આવ્યા નથી તેમ અધિકારીઓ દ્વારા માહિતી આપવામાં આવી.

અગાઉ પણ હરિયાણામાં ભૂકંપના આચંકા અનુભવાયા છે. છેલ્લા કેટલાક દિવસોમાં સતત ભૂકંપના હળવા આંચકા અનુભવાઈ રહ્યા છે. અગાઉ 10 જુલાઈના રોજ 4.4 અને 11 જુલાઈના રોજ ઝજ્જર જિલ્લામાં 3.7 તીવ્રતાનો ભૂકંપ આવ્યો હતો. નેશનલ સેન્ટર ફોર સિસ્મોલોજી (NCS) અનુસાર, 10 જુલાઈથી રોહતકની આસપાસના વિસ્તારમાં 4 ભૂકંપ આવ્યા છે. નેશનલ સેન્ટર ફોર સિસ્મોલોજી (NCS) એ જણાવ્યું હતું રોહતકમાં ભૂકંપની તીવ્રતા રિક્ટર સ્કેલ પર 3.3 નોંધાઈ હતી

English summary

3.3 magnitude tremors felt in Rohtak as another earthquake hits Haryana