મુંબઇમાં 36 પોલીસ જવાન લાંચ લેતા ઝડપાતા સસ્પેન્ડ

મુંબઇ, 11 એપ્રિલ: મુંબઇ પોલીસ એકવાર ફરી ઘણાબધા સવાલોની સાથે વિવાદોમાં સપડાઇ છે. મુંબઇ પોલીસના 36 પોસીલ જવાનો લાંચ લેતા કેમેરાની આંખે જડપાઇ ગયા છે. જેના પગલે મહારાષ્ટ્ર પોલીસે આ તમામ પોલીસ જવાનોને સસ્પેન્ડ કરી દીધા છે.

આ ઘટના મુંબઇના નેહરૂનગર પોલીસ સ્ટેશનની છે જ્યાં આ પોલીસ જવાનો પર હપ્તા વસુલીનો આરોપ લગાવવામાં આવ્યો છે. આ વિસ્તારમાં પાકિસ્તાની મૂળના કેટલાક રેફ્યુજી પોતાના ઘરોમાં રહે છે અને આ ઘરોના સમારકામ અને અન્ય કોઇપણ કામ પહેલા તેમને પોલીસને રૂપિયા આપવા પડે છે.

આવા જ એક મામલામાં જર્જરીત થઇ ચૂકેલા એક મકાનનું જ્યારે સમારકામ કરવામાં આવી રહ્યું હતું ત્યારે આ પોલીસ જવાનો ત્યાં હપ્તા વસૂલવા માટે પહોંચી ગયા હતા. આ દરમિયાન લાંચ લેતી વખતે તેમને કેમેરેમાં કેદ કરી લેવામાં આવ્યા હતા.

English summary

India policemen suspended for taking bribes in Mumbai.