પુનામાં નિર્માણાધીન ઇમારત તૂટી પડતા 5નાં મોત

Updated: Monday, February 9, 2015, 11:13 [IST]

પુના, 24 સપ્ટેમ્બર : મહારાષ્ટ્રના પુનામાં આવેલા સહકારનગર વિસ્તારમાં ચાર માળની એક ઇમારત તૂટી પડી છે. આ ઘટનામાં પાંચ વ્યકિતનાં મોત અને 8 લોકો કાટમાળમાં દટાઇ ગયા હોવાનું અનુમાન છે.

આ ઘટનાની જાણ થતા જ પોલીસ તાત્કાલિક ધોરણે ઘટના સ્થળે પહોંચી હતી. રેસ્ક્યૂ ટીમે આવીને બચાવ કામગીરી શરૂ કરી હતી. કાટમાળમાંથી પાંચ શબ બહાર કાઢવામાં આવ્યા હતા. બીજા આઠ લોકો અંદર ફસાયા હોવાનું અનુમાન છે.

આ બિલ્ડિંગ નિર્માણાધીન હતી. આ બિલ્ડિંગમાં ગેરકાયદેસર બાંધકામ કરવામાં આવી રહ્યું હતું.