સુપરવુમન: દેવું ઉતારવા માટે ટાઈપિંગ કરે છે આ 72 વર્ષીય મહિલા, સેહવાગે શેર કર્યો વિડીયો

કહેવાય છે કે કંઈક શીખવા માટે, કંઈક કરવા માટે કોઈ ઉંમર નથી હોતી. જો તમારી પાસે કંઈક કરવા માટેનું જુનૂન હોય, તો પછી ઉંમર કંઈપણ બગાડી શકે નહિ. મધ્ય પ્રદેશના સિહોરમાં રહેતા લક્ષ્મીબાઈએ આ વાત સાચી સાબિત કરી છે. 72 વર્ષીય લક્ષ્મી પોતાનું ઘર ચલાવવા માટે ડીએમ ઓફિસમાં ટાઈપિંગનું કામ કરે છે. લક્ષ્મીનો વિડીયો સૌપ્રથમ ક્રિકેટર વિરેન્દ્ર સેહવાગએ સોશીયલ મીડિયા પર શેર કર્યો હતો, ત્યાર પછી વિડીયો વાયરલ થઇ ગયો છે.

ડીએમ ઓફિસની બહાર ખૂબ ઝડપી ટાઈપિંગ

મધ્યપ્રદેશના સિહોરમાં રહેતાં લક્ષ્મીબાઈ ડીએમ ઓફિસની બહાર ખૂબ ઝડપી ટાઇપ કરે છે. તેમની ટાઈપિંગની ઝડપ જોઈને લોકોને વિશ્વાસ નથી થતો કે લક્ષ્મીની ઉંમર 72 વર્ષ છે. માથા પરનું દેવું ઉતારવા અને ઘરના ખર્ચને ચલાવવા માટે લક્ષ્મી ડીએમ ઓફિસની બહાર કાગળો લખે છે. તેમણે એ સાબિત કરી દીધું છે કે જીવનમાં કંઈક કરવાની તમન્ના હોય તો કોઈ કામ કે કોઈ ઉંમર મુશ્કેલ નથી.

#WATCH: Lakshmi Bai, a 72-year-old woman in #MadhyaPradesh's Sehore, earns a livelihood by typing documents on a typewriter in front of the District Collectorate. Cricketer Virender Singh shared a video of her on Twitter & called her a 'superwoman' pic.twitter.com/mNCQNAJCVW

— ANI (@ANI) June 15, 2018

હું ભીખ માગી શકતી નથી

લક્ષ્મીબાઈએ જણાવ્યું હતું કે આ ઉંમરે પણ તેઓ તેમના માથા પરનું દેવું ઉતારવા માટે આ કાર્ય કરી રહ્યા છે. લક્ષ્મીએ કહ્યું કે તેમની પુત્રીનો અકસ્માત થયો હતો, જેની સારવાર માટે તેમણે લોન લીધી હતી.'હું ભીખ માગી શકતી નથી. મને ડી.સી. રાઘવેન્દ્ર સિંહ અને એસડીએમ ભાવના વિલાંબેની મદદથી આ નોકરી મળી.' લક્ષ્મીએ ક્રિકેટર વીરેન્દ્ર સેહવાગને પણ તેનો વિડીયો શેર કરવા બદલ આભાર માન્યો છે. લક્ષ્મીએ કહ્યું હતું કે તેમને દેવું ચૂકવવા અને રહેવા માટે ઘર માટે તેમને મદદની જરૂર છે.

A superwoman for me. She lives in Sehore in MP and the youth have so much to learn from her. Not just speed, but the spirit and a lesson that no work is small and no age is big enough to learn and work. Pranam ! pic.twitter.com/n63IcpBRSH

— Virender Sehwag (@virendersehwag) June 12, 2018

ક્રિકેટર વીરેન્દ્ર સેહવાગે લક્ષ્મીબાઈનો વિડીયો તેમના ટ્વિટર એકાઉન્ટ પર શેર કર્યો

તમને જણાવીએ કે થોડા દિવસો પહેલા ક્રિકેટર વીરેન્દ્ર સેહવાગે લક્ષ્મીબાઈનો વિડીયો તેમના ટ્વિટર એકાઉન્ટ પર શેર કર્યો હતો. સુપરવુમન તરીકે લક્ષ્મીબાઈનું વર્ણન કરતા સેહવાગે લખ્યું હતું કે યુવાનોને શીખવું જોઈએ કે કંઈક શીખવા માટે કોઈ ઉંમરનો અવરોધ નથી હોતો.

English summary

72 Years Old Lakshmi Bai Of Sehore, Madhya Pradesh Is Working As Typist