Bharat Jodo Yatra : ખાલિસ્તાની સમર્થક સંગઠને આપી ભારત જોડો યાત્રાને પંજાબમાં રોકવાની ધમકી

શીખ ફોર જસ્ટિસના ગુરપતવંત સિંહ પન્નુએ પંજાબમાં કોંગ્રેસની ભારત જોડો યાત્રાને રોકવાનું એલાન આપ્યું છે. શીખ ફોર જસ્ટિસના નેતા 10 જાન્યુઆરીના રોજ પંજાબમાં ભારત જોડો યાત્રાના આગમનની જાણકારી ખુદ રાહુલ ગાંધીએ આપી હતી.

Bharat Jodo Yatra : કોંગ્રેસ સાંસદ રાહુલ ગાંધીની ભારત જોડો યાત્રા 10 જાન્યુઆરીના રોજ પંજાબ પહોંચવાની છે. આ સાથે ભારતમાં પ્રતિબંધિત ખાલિસ્તાની સમર્થક સંગઠનો શીખ ફોર જસ્ટિસે ધમકી ભારત જોડો યાત્રાને રોકવાની ધમકી આપી છે. આ ધમકી પંજાબની એક કોલેજની દિવાલ પર લખીને આપવામાં આવી છે. આ સાથે આ દિવાલ પર કોંગ્રેસનો વિરોધ કરતા નારાઓ પણ લખ્યા હતા.

શીખ ફોર જસ્ટિસના ગુરપતવંત સિંહ પન્નુએ પંજાબમાં કોંગ્રેસની ભારત જોડો યાત્રાને રોકવાનું એલાન આપ્યું છે. શીખ ફોર જસ્ટિસના નેતા પન્નુએ એક વીડિયો પણ જાહેર કર્યો છે, જેમાં રાહુલ ગાંધીના નામની સાથે દિવાલો પર વાંધાજનક સૂત્રો લખેલા જોવા મળે છે. ગુરુપતવંત દ્વારા જાહેર કરવામાં આવેલા આ વીડિયો મુક્તસર સાહિબમાં બનેલો હોવાનું સામે આવી રહ્યું છે. આ સાથે કહેવામાં આવી રહ્યું છે કે, આ મુક્તસર સાહિબની કોલેજનો વીડિયો છે.

ઉલ્લેખનીય છે કે, કોંગ્રેસની ભારત જોડો યાત્રા સપ્ટેમ્બરની શરૂઆતમાં તમિલનાડુ સ્થિત રામેશ્વરથી શરૂ થઈ હતી. રાહુલ ગાંધી આ યાત્રાનું પ્રતિનિધિત્વ કરી રહ્યા છે. દક્ષિણ ભારતમાંથી શરૂ થયેલી ભારત જોડો યાત્રા તામિલનાડુ, કેરળ, કર્ણાટક, આંધ્રપ્રદેશ, તેલંગાણા, મહારાષ્ટ્ર, મધ્યપ્રદેશ બાદ હવે રાજસ્થાન પહોંચી છે. રાજસ્થાન બાદ ભારત જોડો યાત્રા 10 જાન્યુઆરીએ હરિયાણા અને પછી આમ આદમી પાર્ટી શાસિત રાજ્ય પંજાબમાં પ્રવેશ કરશે.

10 જાન્યુઆરીના રોજ પંજાબમાં ભારત જોડો યાત્રાના આગમનની જાણકારી ખુદ રાહુલ ગાંધીએ આપી હતી. રાહુલ ગાંધીએ આપેલી માહિતી બાદ જ ખાલિસ્તાની સમર્થક સંગઠને પંજાબમાં ભારત જોડો યાત્રાને રોકવાની ધમકી આપી છે. બીજી તરફ શીખ ફોર જસ્ટિસ દ્વારા કોંગ્રેસની મુલાકાતની ધમકી આપતો વીડિયો જાહેર થયા બાદ પંજાબ પોલીસ સતર્ક થઈ ગઈ છે. પંજાબ પોલીસે ઝીણવટભરી સુરક્ષા વ્યવસ્થા કરવાનું શરૂ કરી દીધું છે.

English summary

A pro-Khalistan organization threatened to stop the Bharat Jodo Yatra in Punjab