વૃક્ષના ફંદા પર લટકતો જોવા મળ્યો વાઘ, શિકારની આશંકા

વાઘ એક દુર્લભ અને અતિ સુંદર પ્રાણી છે. હાલ તે વિલુપ્તતાના આરે છે. દુનિયામાં 13 દેશોમાં બાંગ્લાદેશ, બર્મા, કંબોડિયા, ચીન, વિયેતનામ, ભૂટાન, રશિયા, ભારત, થાઇલેન્ડ, ઇન્ડોનેશિયા, મલેશિયા, લાઓસ અને નેપાળમાં વાઘ જોવા મળે છે. ટાઇગર સ્ટેટનો દરજ્જો ધરાવતા મધ્ય પ્રદેશના બુંદેલખંડ વિસ્તારમાં એક વાઘના મોતની ઘટના સામે આવી હતી.

લોખંડના મજબૂત વાયરમાં કેવી રીતે ફાસાઇ ગયો

વન વિભાગ તરફથી મળેલી માહિતી અનુસાર, છતરપુર જિલ્લાના ઉત્તરવન મંડલ વિસ્તારમાં વિક્રમપુર નર્સરી પાસે એક વયસ્ક વાઘ એક ઝાડ પર લટકતો જોવા મળ્યો છે. મોડી રાત્રે તેનો શિકાર કરવામાં આવ્યો હોવાની આશંકા છે. વન વિભાગની ટીમો સ્થળ પર તપાસ કરી રહી છે કે, વાઘ અહીં કેવી રીતે આવ્યો, અને તેને લોખંડના મજબૂત વાયરમાં કેવી રીતે ફાસાઇ ગયો.

વન વિભાગમાં દોડધામ મચી ગઈ

બુધવારે સવારે વાઘને ફંદા પર લટકાવવાનો એક વિચિત્ર કિસ્સો સામે આવ્યો છે. મધ્યપ્રદેશના પન્ના ટાઈગર રિઝર્વને અડીને આવેલા છતરપુર જિલ્લાના જંગલમાં એક વાઘનો મૃતદેહ ઝાડ પર લટકતો મળી આવ્યો છે. સવારે તેની માહિતી સામે આવતા વન વિભાગમાં દોડધામ મચી ગઈ છે. વાઘનો શિકાર થવાની સંભાવના છે. આ વિસ્તાર વન્યજીવો માટે સુરક્ષિત માનવામાં આવે છે.

બુંદેલખંડ પ્રદેશમાં પન્ના ટાઈગર રિઝર્વ અને નૌરાદેહી અભયારણ્યમાં વાઘ હાજર છે

વિક્રમપુર નર્સરીમાં વાઘ કેવી રીતે પહોંચ્યો? કારના ક્લચ વાયરનો ઝાડ પરના ફંદામાં કેવી રીતે ફસાઈ ગયો? વિભાગ આ મુદ્દાઓની તપાસમાં વ્યસ્ત છે કે, કેવી રીતે વાઘ જેવા વિશાળ પ્રાણીની ગરદન ફંદો લાગી ગયો હતો? ઉલ્લેખનીય છે કે, દાયકાઓ બાદ આ વિસ્તારમાં વાઘનો શિકાર થવાની સંભાવના છે. બુંદેલખંડ પ્રદેશમાં પન્ના ટાઈગર રિઝર્વ અને નૌરાદેહી અભયારણ્યમાં વાઘ હાજર છે, પરંતુ આ વિસ્તારો તેમના માટે અતિ સુરક્ષિત માનવામાં આવે છે.

નિષ્ણાતો અને તબીબોની ટીમ ઘટના સ્થળે

વન વિભાગના સીસીએફ સંજીવ ઝાએ જણાવ્યું હતું કે, છતરપુરના ઉત્તરવન મંડળના જંગલમાં એક વાઘનો મૃતદેહ ઝાડ પર લટકતો મળી આવ્યો છે. આ ઘટના સાચી છે. આ મામલે ટીમો ઘટનાસ્થળે પહોંચી ગઈ છે. આ મામલે હાલ તપાસ ચાલી રહી છે. નિષ્ણાતો અને તબીબોની ટીમ દ્વારા તપાસ બાદ સ્પષ્ટ થશે કે, તે શિકાર છે કે અકસ્માત. આ સાથે આ સ્થળે અન્ય વાઘની હાજરીની માહિતી શોધવામાં આવી રહી છે.

English summary

A tiger was seen hanging on a tree noose, fear of hunting