દારૂ આપીને મત ખરીદનારાની જાસૂસી કરશે ‘આપ’
નવી દિલ્હી, 3 ડિસેમ્બરઃ 4 ડિસેમ્બરે દિલ્હીમાં વિધાનસભાની ચૂંટણી યોજાનારી છે. ચૂંટણી પ્રચારના રણકાર થમી ગયા છે અને હવે મતદાતાઓને લલચાવવાનું કામ દારૂ અને કબાબ પર છે. આ ક્રમમાં દિલ્હીના કેટલાક વિસ્તારોમાં દારૂ વેંચવાના પ્રયત્નો કરવામાં આવ્યા છે. દિલ્હી પોલીસે બાદલી વિસ્તારમાં રેડ પાડીને સેંકડો બોટલને જપ્ત કરી છે. જેને ધ્યાનમાં રાખીને આમ આદમી પાર્ટીએ જાસૂસી કેમેરાની મદદથી આ લોકોને બેનકાબ કરવાની જવાબદારી ઉઠાવી છે, જે દારૂ થકી મત ખરીદવાના પ્રયાસો કરી રહ્યાં છે. દિલ્હીના અલગ અલગ વિસ્તારો પર આમ આદમી પાર્ટીના 2000 જાસૂસી કેમેરા લાગેલા છે.
આમ આદમી પાર્ટીના વરિષ્ઠ કાર્યકર્તાએ જણાવ્યું કે, અમારી પાર્ટીએ હાઇ રિઝોલ્યુશનવાળા 2000 જાસૂસી કેમેરા ખરીદ્યા છે. આ કેમેરાના દિલ્હીની ઝુપડપટ્ટીઓ, ગ્રામીણ વિસ્તાર અને પુર્નવાસ કોલોનીઓમાં લગાવવામાં આવ્યા છે. આમ આદમી પાર્ટીએ જણાવ્યું કે, આ કેમેરા રાતના અંધારાની સ્પષ્ટ તસવીરો લઇ શકે છે. આ કેમેરાનો ઉપયોગ કરવા માટે આમ આદમી પાર્ટીએ પોતાના કાર્યકર્તાઓને ટ્રેનિંગ આપી છે. જો કોઇ પાર્ટીએ મતદારોને ખરીદવા માટે દારૂ અને નોટ વેચવાનો પ્રયત્ન કર્યો, તો તેની હરકતો કેમેરામાં કેદ થઇ જશે.
આમ આદમી પાર્ટીનું કહેવું છે કે, કેમેરાની રેકોર્ડિંગને ચૂંટણી આયોગમાં દઇ દેવામાં આવશે, જેથી તે દોષીઓ વિરુદ્ધ કાર્યવાહી કરી શકે. આમ આદમી પાર્ટીનું કહેવું છે કે, તે ના તો મત ખરીદશ અને ના તો કોઇને આમ કરવા દેશે, પરંતુ બીજી પાર્ટીઓ આવું કરવામાં લાગેલી છે, તેથી તેમને બેનકાબ કરવા માટે જાસૂસી કેમેરાનો ઉપયોગ કરવામાં આવી રહ્યો છે.
Click it and Unblock the Notifications
Sign in with Google
