ભારત જ નહીં, અમેરિકામાં પણ ચાલું છે મોદી પર ચર્ચા!

Published: Wednesday, March 13, 2013, 16:46 [IST]

નવી દિલ્હી, 13 માર્ચ: ગુજરાતના મુખ્યમંત્રી નરેન્દ્ર મોદી અંગે માત્ર ભારતમાં જ નહીં પરંતુ અમેરિકામાં પણ લોકો એકમત બનતા જણાઇ રહ્યા છે. અમેરિકાની વ્હાર્ટન સ્કૂલ ઓફ બિઝનેસમાં મોદીનું ભાષણ રદ થયા બાદ મોદીના સમર્થકો અને તેમના વિરોધી વચ્ચે ચર્ચા છેડાઇ ગઇ છે. કોઇ મોદીને વિકાસ પુરુષ ગણાવી રહ્યું છે તો કોઇ ખોટા નેતા.

પેન્સિલવેનિયા યુનિવર્સિટીના વિદ્યાર્થીઓ મોદીનો વિરોધ કરતા જણાવે છે કે મોદીનો રેકોર્ડ સારો નથી, તેમની છબી ગુજરાતમાં થયેલા 2002ના રમખાણોના કારણે ખરાબ થઇ છે. ગુજરાતમાં હજી સુધી કોઇપણ વ્યક્તિનો વિકાસ નથી થયો આવા વ્યક્તિને નહીં બોલાવીને બિલકુલ સારુ કરવામાં આવ્યું છે. જ્યારે બીજી બાજું મોદીના સમર્થકોનું માનવું છે કે જો મોદીનું ભાષણ યોજાતું તો ઘણુબધુ શીખવા મળતું.

અત્રે ઉલ્લેખનીય છે કે અમેરિકાના પેન્સિલવેનિયા યુનિવર્સિટીના પ્રોફેસર અને વિદ્યાર્થીઓના વિરોધ બાદ મોદીના ભાષણને રદ કરી દેવામાં આવ્યું હતું. જોકે મોદીને આની કોઇ અસર થઇ નહી. મોદીએ પણ બતાવી દીધું કે તેઓ કોઇની પર નિર્ભર નથી. યુએસ તરફથી વિઝા ના મળી શક્યા હોવા છતાં મોદીએ અમેરિકામાં રહેતા એનઆરઆઇને સંબોધીત કર્યા.

Published On March 13, 2013