ડેલ સ્ટેનના મતે આ ટીમ આઈપીએલ 2021 નું ટાઈટલ જીતશે!

દક્ષિણ આફ્રિકાના ભૂતપૂર્વ ઝડપી બોલર ડેલ સ્ટેનને લાગે છે કે હવે CSK ફાઇનલમાં પહોંચી છે તે જ વિજેતા બનશે. લીગ મેચમાં છેલ્લી ત્રણ મેચ હાર્યા બાદ CSK એ પ્લેઓફની પ્રથમ મેચ જીતીને ફાઇનલમાં ટિકિટ મેળવી હતી.

નવી દિલ્હી : દક્ષિણ આફ્રિકાના ભૂતપૂર્વ ઝડપી બોલર ડેલ સ્ટેનને લાગે છે કે હવે CSK ફાઇનલમાં પહોંચી છે તે જ વિજેતા બનશે. લીગ મેચમાં છેલ્લી ત્રણ મેચ હાર્યા બાદ CSK એ પ્લેઓફની પ્રથમ મેચ જીતીને ફાઇનલમાં ટિકિટ મેળવી હતી. ચેન્નઈએ KKR ને હરાવવું પડશે, તેની સફર ઉતાર-ચ ઢાવથી ભરેલી છે. ફોર્મના આધારે કેકેઆર સીએસકે કરતા સ્ટ્રોંગ છે પરંતુ ધોની ક્યારે શું કરે તે કોઈને ખબર નથી. સ્ટેને ઈન્ડિયન પ્રીમિયર લીગ (IPL) 2021 જીતવા માટે ચેન્નાઈ સુપર કિંગ્સનું સમર્થન કર્યુ છેે. તેને કોલકાતા નાઈટ રાઈડર્સના નસીબ, ખરાબ નિર્ણયો અને કેટલાક વરિષ્ઠ ખેલાડીઓના ખરાબ ફોર્મ જેવા કારણે ટીમ હારી જતી હોવાનું જણાવ્યું છે.

શારજાહ ક્રિકેટ સ્ટેડિયમમાં લો-સ્કોરિંગ ક્વોલિફાયર 2 માં કોલકાતા નાઈટ રાઈડર્સે દિલ્હીને 3 વિકેટે હરાવી ચેન્નાઈ સુપર કિંગ્સ સામે ફાઈનલ રમવા રસ્તો સાફ કર્યો હતો. રસપ્રદ વાત એ છે કે બે વખતની ચેમ્પિયન KKR ક્યારેય અંતિમ મેચ હારી નથી. 2012 માં એમએસ ધોનીની આગેવાનીવાળી CSK ને પાંચ વિકેટે હરાવી હતી, મનવિન્દર બિસ્લાએ માત્ર 48 બોલમાં 89 રન બનાવ્યા હતા. પરંતુ આ વખતે મોર્ગન ફોર્મમાં નથી અને ધોની ફોર્મમાં હોવાનું જણાય છે.

ડેલ સ્ટેને ESPNcricinfo પર કહ્યું કે, હું હંમેશા નંબરથી રમવા વાળો વ્યક્તિ છું. આ કેસિનોમાં જવા જેવું છે. જો તે સળંગ 10 વખત બ્લેક સુધી જાય તો અમુક સમયે લાલ ફટકો પડે છે. મને લાગે છે કે અમુક સમયે KKR નું નસીબ કથળી રહ્યું છે, નબળા નિર્ણય અને મોર્ગન અને ડીકેનું ખરાબ ફોર્મ ટીમને ફસાવી શકે છે. આ વસ્તુ ફાઈનલમાં થઈ શકે છે.

ડેલ સ્ટેને આગળ કહ્યું કે, એમએસ ધોનીની આગેવાનીવાળી સીએસકે આ સિઝનમાં શાંતિથી રમી છે અને આ ટીમ ફાઇનલમાં કેકેઆરથી થોડી આગળ હોઈ શકે છે. સ્ટેને વધુમાં કહ્યું કે, CSK સારી લાગી રહી છે, તે ખરેખર શાંત દેખાઈ રહી છે. લાગે છે કે તે યોગ્ય સમયે યોગ્ય દિશામાં જઈ રહ્યી છે. તે રાત્રે ધોની સારો દેખાયો, તેણે તેની ટીમની સારી કેપ્ટનશીપ કરી. તેના બેટ્સમેન સારા દેખાય છ. કેકેઆર ફાઇનલમાં વધુ સારી ટીમ સામે માત ખઈ શકે છે.

ઇઓન મોર્ગનનું ફોર્મ હંમેશા શંકાના દાયરામાં રહે છે અને દિનેશ કાર્તિક જેવા સિનિયરો, જે હવે લગભગ બેટ્સમેન તરીકે સમાપ્ત થઈ ગયા છે તે કેકેઆરને પરેશાન કરે છે. જોકે ક્રિકેટ એક વિચિત્ર રમત છે. ધોનીએ છેલ્લી મેચમાં સમગ્ર વિશ્વને આશ્ચર્યચકિત કરી દીધું છે. તેણે જે કર્યું તે દરેક મેચમાં તેની પાસેથી અપેક્ષિત હતું પરંતુ હવે અપેક્ષાઓ પૂરી થઈ ગઈ અને ધોનીએ ફરી લોકોને આશ્ચર્યચકિત કર્યા.

શું મોર્ગન અને કાર્તિક પણ અંતિમ મેચમાં ધોની જેવું કંઈક કરી શકશે? આ સિવાય ઋતુરાજ ગાયકવાડ અને ફાફ ડુ પ્લેસીસ જેવા ખતરનાક બેટ્સમેનોનું ફોર્મ પણ મેચનો માર્ગ નક્કી કરશે. કેકેઆર સુનીલ નારાયણ અને વરુણ ચક્રવર્તી પાસેથી જાદુની આશા રાખશે. આજકાલ સોશિયલ મીડિયા પર શાહરુખ ખાન માટે સહાનુભૂતિની લહેર છે અને તેના ઘણા ચાહકો કેકેઆરની જીત માટે પ્રાર્થના કરી રહ્યા છે.

English summary

According to Dale Steyn, this team will win the IPL 2021 title!