પંજાબઃ નશા સામે સીએમ ભગવંત માન એક્શનમાં, 8 મહિનામાં તાબડતોડ કાર્યવાહી
પંજાબમાં NDPS એક્ટ હેઠળ એક સપ્તાહમાં 189 એફઆઈઆર નોંધવામાં આવી છે. આ સાથે 234 ડ્રગ માફિયાની ધરપકડ કરવામાં આવી છે.
પંજાબની માન સરકારે માફિયા શાસન અને માદક દ્રવ્યોના વ્યસન સામે અભિયાન શરૂ કર્યુ છે. જ્યારથી ભગવંત માન સીએમ બન્યા છે ત્યારથી એક પછી એક મોટી કાર્યવાહી થઈ રહી છે. પોલીસની તાજેતરની કાર્યવાહીની વાત કરીએ તો, NDPS એક્ટ હેઠળ રાજ્યમાં એક સપ્તાહમાં 189 એફઆઈઆર નોંધવામાં આવી છે. આ સાથે 234 ડ્રગ માફિયાની ધરપકડ કરવામાં આવી છે.
પંજાબમાં હવે પોલીસ એક્શનમાં જોવા મળી રહી છે. સીએમ ભગવંત માનની સૂચનાને પગલે પોલીસ ઝડપથી કાર્યવાહી કરીને રાજ્યમાં ડ્રગ સ્મગલરો, ગેંગસ્ટરો અને હથિયારોના દાણચોરો સામે મોટી કાર્યવાહી કરી રહી છે. પંજાબ પોલીસના આઈજીપી હેડક્વાર્ટર સુખચૈન સિંહ ગિલે તાજેતરમાં 14 માર્ચે પોલીસની ઉપલબ્ધિઓનો ઉલ્લેખ કર્યો હતો.
છેલ્લા 8 મહિનામાં ભગવંત માન દ્વારા ડ્રગ્સ નાબૂદી સામે લડત ચલાવવામાં આવી રહી છે. 5 જુલાઈ, 2022થી અત્યાર સુધીમાં પંજાબ પોલીસે 1628 મોટી માછલીઓ સાથે 11360 ડ્રગ સ્મગલરને જેલના સળિયા પાછળ મોકલવાનું કામ કર્યું છે. પોલીસે કુલ 8 હજાર 458 એફઆઈઆર નોંધી છે.
આઈજી સુખચૈન સિંહ ગિલના જણાવ્યા અનુસાર, પંજાબમાં કોર્ડન અને સર્ચ ઑપરેશનની સાથે હાથ ધરવામાં આવેલા ઑપરેશનમાં રાજ્યભરમાંથી 612.78 કિલો હેરોઈન જપ્ત કરવામાં આવ્યું છે. આ ઉપરાંત પંજાબ પોલીસની ટીમોએ ગુજરાત અને મહારાષ્ટ્રના બંદરો પરથી 147.5 કિલો હેરોઈન રિકવર કર્યું છે. આ આઠ મહિનામાં કુલ 760.28 કિલો હેરોઈન ઝડપાયું છે. હેરોઈન ઉપરાંત 464.18 કિલો અફીણ, 586 કિલો ગાંજા, 270 ક્વિન્ટલ ખસખસ અને 53.73 લાખ ગોળીઓ/કેપ્સ્યુલ્સ/ઈન્જેક્શન/શીશીઓ જપ્ત કરવામાં આવી છે. આ સાથે 10.36 કરોડની ડ્રગ મની પણ જપ્ત કરવામાં આવી છે.
આઈજીપીના જણાવ્યા અનુસાર, છેલ્લા 8 મહિનાથી પંજાબ પોલીસે ત્રણ મોરચે ચેકિંગ ઓપરેશન હાથ ધર્યુ છે. જેમાં ડ્રગ્સ, ગેંગસ્ટર અને આતંકવાદીઓ સામે કાર્યવાહી ચાલી રહી છે. આ અંતર્ગત આર્મ્સ એક્ટના કેસોમાં નામના આરોપીઓની તપાસ કરવામાં આવી હતી. કુલ 1340 આરોપીઓની તપાસ કરવામાં આવી હતી.
Click it and Unblock the Notifications
Sign in with Google
