એર ઈન્ડિયા એક્સપ્રેસની 70થી વધુ ફ્લાઈટો રદ, એરલાઈન્સે માંગી માફી, જાણો શું છે કારણ
એર ઈન્ડિયા એક્સપ્રેસની 70થી વધુ સ્થાનિક અને આંતરરાષ્ટ્રીય ફ્લાઈટો રદ કરવામાં આવી છે. એરલાઇન્સના વરિષ્ઠ ક્રૂ મેમ્બરોએ જે રીતે અચાનક માંદગીની રજા લીધી તેના કારણે એરલાઇન્સને આ ફ્લાઇટો રદ કરવી પડી હતી.
ક્રૂ મેમ્બર્સ રજા પર જવાના કારણે ઘણી ફ્લાઈટ્સ પણ મોડી પડી છે. સિવિલ એવિએશન ઓથોરિટી આ સમગ્ર મામલાની તપાસ કરી રહી છે. એરલાઈન્સે પણ આ અંગે માહિતી આપતા નિવેદન જાહેર કર્યું છે.
એરલાઈન્સે એક નિવેદન જાહેર કરીને કહ્યું છે કે કેબિન ક્રૂના એક વર્ગે છેલ્લી ક્ષણે બીમાર પડવાની જાણ કરી છે, જેના કારણે ઘણી ફ્લાઈટ્સ કેન્સલ કરવી પડી છે અને કેટલીક ફ્લાઈટ્સ મોડી પડી છે. અમે ક્રૂ સાથે વાત કરી રહ્યા છીએ અને અચાનક રજા આપવાનું કારણ સમજવાનો પ્રયાસ કરી રહ્યા છીએ. આના કારણે મુસાફરોને પડતી તકલીફોને ઓછી કરવા માટે અમે તમામ શક્ય પ્રયાસો કરી રહ્યા છીએ.
અમારા મહેમાનોને આ અસુવિધા માટે અમે દિલગીર છીએ. અમે ખાતરી પણ આપીએ છીએ કે આ અસુવિધા અમારી સેવાઓ પર પ્રતિબિંબિત થતી નથી. જે મુસાફરોને ફ્લાઇટ કેન્સલ થવાથી અસુવિધા થાય છે તેમને સંપૂર્ણ રિફંડ અથવા બીજી ફ્લાઇટમાં તેમની મુસાફરીને ફરીથી શેડ્યૂલ કરવાનો વિકલ્પ આપવામાં આવશે. અમે અમારા મુસાફરોને વિનંતી કરીએ છીએ કે જો તેમની પાસે આજે ફ્લાઈટ છે, તો તેમણે એરપોર્ટ પર પહોંચતા પહેલા તેની સ્થિતિ તપાસી લેવી.
Click it and Unblock the Notifications
Sign in with Google
