છ મહિનામાં દરેક શાળામાં ટોયલેટની સુવિધા હોવી જોઇએ: સુપ્રિમ કોર્ટ

નવી દિલ્હી, 3 ઓક્ટોબર: સુપ્રિમ કોર્ટ દ્વારા આજે કેન્દ્ર અને રાજ્ય સરકારને આદેશ કરાયો છે કે દરેક શાળાઓ પ્રાથમિક સુવિધાઓથી સજ્જ હોવી જોઇએ. દેશની દરેક શાળામાં પીવાના પાણીથી લઇને ટોયલેટ સુધીની પ્રાથમિક સુવિધા છ મહિનામાં પૂરી પાડવા સુપ્રિમ કોર્ટે આદેશ કર્યો છે.

ન્યાયાધિશ કે. એસ. રાધાક્રિશ્નનની બેંચે છ મહિનાનો સમયગાળો આપીને કેન્દ્ર અને રાજ્ય સરકારને ફરમાન જારી કર્યુ હતું કે તેઓ નક્કર પગલાં ભરીને દરેક શાળામાં પ્રાથમિક સુવિધાઓ ઉપલબ્ધ કરાવે. બેંચે જણાવ્યું હતું કે અપાયેલા સમયગાળામાં આ કાર્ય પૂર્ણ થઇ જવું જોઇએ.

આ પહેલાં સર્વોચ્ચ અદાલતે 18 ઓક્ટોબર 2011ના રોજ દરેક સરકારી શાળામાં ખાસ કરીને છોકરીઓ માટે ટોયલેટની સુવિધા ઉપલબ્ધ કરાવવાનો આદેશ કર્યો હતો.

સંશોધનમાં એ વાત સામે આવી છે કે જે શાળાઓમાં ટોયલેટ જેવી પ્રાથમિક સુવિધાઓ નથી ત્યાં વાલીયો પોતાના બાળકોને શાળાએ મોકલતા નથી. ખાસ કરીને આનાથી બાળકીયો શિક્ષણથી વંચિત રહી જાય છે. જે મફત અને ફરજિયાત શિક્ષણના અધિકારનું ઉલ્લંઘન છે.

English summary

The Supreme Court today directed the Centre and state governments to provide basic infrastructure, including drinking water and toilets, in all schools within six months.