વાઢેરા વિરૂદ્ધ હાઇકોર્ટમાં અરજી મંજૂર, 21મીએ સુનાવણી

નવી દિલ્હી, 11 ઑક્ટોબર: યૂપીએ અધ્યક્ષ સોનિયા ગાંધીના જમાઇ રોબર્ટ વાઢેરા માટે આવનાર દિવસો ભારે પડશે કારણ કે તેમના વિરૂદ્ધ અલ્હાબાદ હાઇકોર્ટે અરજી જૂર કરી લીધી છે. હવે આ મુદ્દે 21 ઑક્ટોબરે સુનાવણી કરવામાં આવશે. કોર્ટે સરકારે ત્રણ અઠવાડિયામાં જવાબ આપવાનો સમય આપ્યો છે. અરવિંદ કેજરીવાલે વાઢેરા ઉપર ભષ્ટ્રાચારના ગંભીર આરોપો લગાવ્યા છે.

કેજરીવાલે મંગળવારે મીડિયા સમક્ષ કેટલાક કાગળો રજૂ કર્યા હતા તે મુજબ ગુડગાંવમાં 30 એકર જમીન પર હોસ્પિટલ બનાવવાની હતી પરંતુ હરિયાણા સરકારે જમીન પર નોટિફિકેશન જાહેર કરી દિધી જેના કારણે જમીન પર ડીએલએફનો કબજો થઇ ગયો અને આ બધુ રોબર્ટ વાઢેરાના ઇશારા પર થયું તેમને પણ આ ડીલમાં નફો મેળવ્યો છે. તે આ કેસમાં 50 ટકા ભાગીદાર હતા. એટલું જ નહી વાઢેરા હંમેશા સોનિયા ગાંધીના જમાઇ હોવાનો ફાયદો ઉઠાવ્યો છે ત્યારે તો તેમની સંપત્તિ પાંચ લાખમાંથી 300 કરોડ થઇ ગઇ.

કેજરીવાલ બાદ હરિયાણાના પૂર્વ મુખ્યમંત્રી ઓમપ્રકાશ ચોટાલાએ પણ કેટલાક પ્રશ્નો ઉભા કર્યા છે. તેમને પણ શંકા વ્યક્ત કરી છે કે વાઢેરાએ પોતાના પ્રભાવનો ઉપયોગ કરી ગુડગાંવને અડીને આવેલા મેવાત વિસ્તારની મૂલ્યવાન જમીનમાંથી મોટો નફો મેળવ્યો છે. જ્યારે કોંગ્રેસ અને હરિયાણા સરકારે કેજરીવાલના બધા જ આરોપોને પાયાવિહોણા ગણાવ્યાં છે.

English summary

Allahabad High Court admits PIL against Robert Vadra.