ગુજરાતની ચૂંટણીમાં એક બેઠક પર સરેસાશ 27.10 લાખનો ખર્ચ, જાણો કોણે કર્યો કેટલો ખર્ચ
ગુજરાત વિધાનસભાની ચૂંટણીમાં એકપણ બેઠક પર વિધાસભા ચૂંટણી ખર્ચ 40 લાખ રૂપિયાની મર્યાદાથી વધ્યો નથી. વિધાનસભાની ચૂંટણીમાં દરેક બેઠક સરેરાશ 27 લાખ રૂપિયા રહ્યો છે. જેમાં સમાજવાદી પાર્ટીના ધારાસભ્ય કાંધલ જાડેજાએ આ ચૂંટણીમાં માત્ર 6 લાખ 87 હજાર રૂપિયાનો ખર્ચ કરીને જીતી લીધી હતી. કાંધલ જાડેજાએ કોઇ સ્ટાર પ્રચારક, અભિયાન કે જુલુસ નિકાળ્યું ન હતું.
ડિજિટલ ગુજરાતમાં, માત્ર 20 ધારાસભ્યોએ વર્ચ્યુઅલ પ્રચાર પર ખર્ચ કર્યો હતો. એસોસિએશન ફોર ડેમોક્રેટિક રિફોર્મ્સ (એડીઆર) દ્વારા જાહેર કરવામાં આવેલા આંકડા જણાવે છે કે, ભાજપના 156 ધારાસભ્યો ચૂંટણી ખર્ચની મહત્તમ મર્યાદાના માત્ર 69 ટકા જ ખર્ચ કરી શક્યા હતા, જ્યારે 2022ની આ ચૂંટણીમાં ભાજપના ધારાસભ્યોનો સરેરાશ ખર્ચ 27 લાખ 94 હજાર રૂપિયા હતો. કોંગ્રેસના 17 ધારાસભ્યોનો સરેરાશ ખર્ચ 62 ટકા એટલે કે લગભગ રૂપિયા 25 લાખ પ્રતિ સીટ હતો.
કાંધલ જાડેજાએ સૌથી ઓછા ખર્ચ સાથે ચૂંટણી જીતી - આમ આદમી પાર્ટીના પાંચ ધારાસભ્યોનો સરેરાશ ખર્ચ રૂપિયા 21 લાખ 59 હજાર હતો, જે પ્રતિ બેઠક સરેરાશ 39 ટકા છે.
ADRના ગુજરાત કન્વીનર પંક્તિએ જણાવ્યું હતું કે, પોરબંદરની કુતિયાણા બેઠક પરથી સમાજવાદી પાર્ટીની ટિકિટ પર ચૂંટણી લડનાર કાંધલ જાડેજાએ સૌથી ઓછા ખર્ચ સાથે ચૂંટણી જીતી હતી. તેમનો સરેરાશ ચૂંટણી ખર્ચ 17 ટકા હતો. કાંધલ ગોડમધર સંતોકબેન જાડેજાનો પુત્ર છે અને તેની સામે અનેક ગુનાહિત કેસ નોંધાયેલા છે.
ચૂંટણી પંચે એક વિધાનસભા બેઠક માટે 40 લાખ રૂપિયાનો ચૂંટણી ખર્ચ નક્કી કર્યો હતો. બોટાદ બેઠક પરથી આમ આદમી પાર્ટીની ટિકિટ પર ચૂંટણી લડનાર ઉમેશ મકવાણાએ રૂપિયા 9.64 લાખનો ખર્ચ કર્યો હતો, જ્યારે કોંગ્રેસના પૂર્વ પ્રમુખ અમિત ચાવડાએ આ ચૂંટણીમાં માત્ર રૂપિયા 9.28 લાખનો ખર્ચ કર્યો હતો.
182માંથી 10 ધારાસભ્યો એવા છે કે, જેમણે ચૂંટણી દરમિયાન વાહન અને અન્ય ખર્ચ કર્યો નથી. 97 ધારાસભ્યોએ ટીવી અને અખબારો પર પ્રચાર કર્યો, જ્યારે 85 ટીવી અને અખબારોની જાહેરાતોનો આશરો લીધા વિના ચૂંટણી જીત્યા હતા.
ADR દ્વારા જાહેર કરવામાં આવેલા આંકડા જણાવે છે કે, ભાજપના 156 ધારાસભ્યો ચૂંટણી ખર્ચની મહત્તમ મર્યાદાના માત્ર 69 ટકા જ ખર્ચ કરી શક્યા છે. વર્ષ 2022ની આ ચૂંટણીમાં ભાજપના ધારાસભ્યોનો સરેરાશ ખર્ચ 27 લાખ 94 હજાર રૂપિયા હતો.
Click it and Unblock the Notifications
Sign in with Google
