અનંત અંબાણીએ કરી રાધિકાની પ્રશંસા, કહ્યુ - એ મારા સપનાની રાણી, બિમારીમાં આપ્યો મારો સાથ
Anant Ambani-Radhika Merchant Pre-Wedding: મુકેશ અંબાણીની દિગ્ગજ કંપની રિલાયન્સના સૌથી નાના વારસદાર અનંત અંબાણીએ તેની ફિયાન્સ રાધિકા મર્ચન્ટના ખૂબ વખાણ કર્યા છે. અનંતે કહ્યું કે તેને રાધિકા તરફથી ઘણો સપોર્ટ મળ્યો, ખાસ કરીને જ્યારે તે સ્વાસ્થ્ય સંબંધિત સમસ્યાઓનો સામનો કરી રહ્યા હતા.
અનંત અંબાણી અને રાધિકા મર્ચન્ટના લગ્નની ભવ્ય ઉજવણી શરૂ થઈ ચૂકી છે. તેમની પ્રી-વેડિંગ પાર્ટી 1-3 માર્ચના રોજ ગુજરાતના જામનગરમાં યોજાશે. સમારોહની ઉજવણી થઈ ગઈ છે. ઈન્ડિયા ટુડે સાથે વાત કરતા અનંત અંબાણીએ રાધિકા મર્ચન્ટના વખાણ કર્યા હતા.
28 વર્ષીય અનંતે કહ્યું કે તે રાધિકાને મળીને પોતાને ભાગ્યશાળી માને છે. તેણે કહ્યુ કે તે મારી સપનાની રાણી છે. અનંતે કહ્યું કે બાળપણમાં તેણે વિચાર્યું હતું કે તે ક્યારેય લગ્ન નહીં કરે, કારણ કે તે હંમેશા પ્રાણીઓની સંભાળ માટે સમર્પિત હતો. પરંતુ જ્યારે તે રાધિકાને મળ્યો ત્યારે તેણે જોયું કે તે પણ તેના જેવી જ હતી. રાધિકાને પણ પ્રાણીઓ પ્રત્યે ઉદારતા અને પાલનપોષણની લાગણી છે.
અનંત અંબાણી બાળપણથી જ સ્થૂળતા સહિતની ગંભીર સ્વાસ્થ્ય સમસ્યાઓથી ઝઝૂમી રહ્યા છે. તેની માતા નીતા અંબાણીએ અગાઉ એક ઈન્ટરવ્યુમાં ખુલાસો કર્યો હતો કે અનંત અસ્થમાથી પીડાય છે, જેના કારણે તેનું વજન ઓછું કરવું મુશ્કેલ બન્યું હતું.
અનંતે જણાવ્યું કે રાધિકાએ તેની હેલ્થ કેર સફરમાં તેમને ઘણો સાથ આપ્યો છે. તેણે કહ્યું કે મને સ્વાસ્થ્ય સમસ્યાઓનો સામનો કરવો પડ્યો છે. મારા મુશ્કેલ સમયમાં રાધિકા હંમેશા મારી સાથે એક મજબૂત આધારસ્તંભ બનીને ઊભી રહી. અનંત અંબાણીના કહેવા પ્રમાણે, તેમના માતા-પિતાએ પણ તેને ક્યારેય એવું અનુભવવા નથી દીધુ કે તે બીમાર છે.
અનંતે ફરીથી કહ્યુ કે તે તેના પરિવાર અને રાધિકાના સતત સમર્થનને કારણે જ તેની સ્વાસ્થ્ય સમસ્યાઓ સામે લડવા સક્ષમ છે. તેણે કહ્યું- તેણે હંમેશા મને કહ્યું કે હાર ન માનો અને લડતા રહો. અનંતે કહ્યું કે એવા ઘણા લોકો છે જે મારા કરતા પણ વધુ પીડામાં છે. તેથી હું દરેક વસ્તુ માટે ભગવાનનો આભાર માનું છું. બીજાના કહેવા પર મેં ક્યારેય ધ્યાન આપ્યું નથી. ગોસિપ કરવુ એ લોકોનુ કામ છે પરંતુ મારા માટે મારો પરિવાર અને તેમનો સપોર્ટ સૌથી મહત્વપૂર્ણ છે.
તમને જણાવી દઈએ કે અનંત અને રાધિકાની પ્રી-વેડિંગ ઉજવણી જામનગરમાં અન્ન સેવા સાથે શરુ થઈ ચૂકી છે. મુખ્ય કાર્યક્રમ 1 માર્ચથી શરૂ થશે. ત્રણ દિવસ સુધી ચાલનારા આ ફંક્શનમાં ભારત અને વિદેશના હાઈપ્રોફાઈલ મહેમાનો હાજરી આપશે.
પોપ આઇકોન રીહાન્ના, અરિજીત સિંહ, દિલજીત દોસાંઝ વગેરે સહિત ઘણા ભારતીય અને આંતરરાષ્ટ્રીય કલાકારો તેમાં પરફોર્મ કરશે. તે જ સમયે, શાહરૂખ ખાન, અક્ષય કુમાર, અમિતાભ બચ્ચન, રજનીકાંત વગેરે ફંક્શનમાં હાજરી આપશે. આ સિવાય બિલ ગેટ્સ અને માર્ક ઝકરબર્ગ પણ સમારોહમાં હાજરી આપવાના હોવાનું કહેવાય છે.
Click it and Unblock the Notifications
Sign in with Google
