આંધ્રપ્રદેશઃ ગર્લ્સ હૉસ્ટેલના ટૉયલેટમાં હિડન કેમેરા, લીક થયા 300થી વધુ વીડિયો, છોકરીઓએ કર્યુ પ્રદર્શન

Andhra Pradesh News: પશ્ચિમ બંગાળના કોલકત્તાની આરજી કાર મેડિકલ કોલેજ અને હોસ્પિટલમાં તાલીમાર્થી ડૉક્ટર સાથે બનેલી જધન્ય ઘટનાએ સમગ્ર દેશને શરમમાં મૂકી દીધો છે. દેશ હજુ તેના ડંખમાંથી બહાર નથી આવ્યો ત્યાં મહિલાઓ પર બળાત્કારના કિસ્સા સતત પ્રકાશમાં આવવા લાગ્યા છે. આ દરમિયાન આંધ્રપ્રદેશના કૃષ્ણા જિલ્લામાં એક ચોંકાવનારી ઘટના સામે આવી છે.

અહીં એસઆર ગુડલાવલેરુ એન્જિનિયરિંગ કોલેજની ગર્લ્સ હોસ્ટેલના ટોયલેટમાં એક છુપો કેમેરો મળ્યો હતો. આ બાબતનો ખુલાસો થતાં જ વિદ્યાર્થિનીઓએ ગુરુવારે રાત્રે ઉગ્ર વિરોધ કર્યો હતો. વિદ્યાર્થીનીઓ હોસ્ટેલમાં એકઠી થઈ અને ન્યાય માટે સૂત્રોચ્ચાર કરવા લાગ્યા.

બીજી તરફ, અધિકારીઓને જવાબદારો સામે પગલાં લેવા અને કેમ્પસમાં તેમની સલામતી સુનિશ્ચિત કરવા વિનંતી કરવામાં આવી હતી. આટલું જ નહીં, બૉયઝ હોસ્ટેલમાં વિદ્યાર્થીઓ વચ્ચે કથિત રીતે છુપા કેમેરા દ્વારા રેકોર્ડ કરવામાં આવેલો એક વીડિયો જાહેર કરવામાં આવ્યો હતો. પોલીસે આ કેસના સંબંધમાં એન્જિનિયરિંગના અંતિમ વર્ષના વિદ્યાર્થીની અટકાયત કરી છે અને તપાસ ચાલી રહી છે.

આ ઘટના ત્યારે બની જ્યારે ગુરુવારે સાંજે કેટલીક વિદ્યાર્થિનીઓને તેમના ટૉયલેટમાં છુપાયેલ કેમેરો મળ્યો, જેનાથી તેઓ તરત જ ચિંતિત અને પરેશાન થઈ ગયા. આનાથી અરાજક પ્રતિક્રિયા શરુ થઈ, વિદ્યાર્થીનીઓએ સાંજે 7 વાગ્યે વિરોધનું આયોજન કર્યું, અહેવાલમાં જણાવાયું છે. જોકે, પ્રદર્શન શુક્રવારે (30 ઓગસ્ટ) સવાર સુધી ચાલુ રહ્યું હતું. વિદ્યાર્થીનીઓએ માંગ કરી હતી કે અમને ન્યાય જોઈએ છે.

પોલીસે કહ્યું છે કે તપાસ ચાલુ છે અને તેઓ હજુ પણ શોધી રહ્યા છે કે કેમેરા લગાવવામાં અને વીડિયોનું વિતરણ કરવામાં અન્ય કોઈ વિદ્યાર્થીઓ સામેલ હતા કે કેમ. અહેવાલો સૂચવે છે કે ગર્લ્સ હોસ્ટેલના શૌચાલયમાંથી 300થી વધુ ફોટા અને વીડિયો લીક થયા છે, જેમાં કેટલાક વિદ્યાર્થીઓ કથિત રીતે આ વીડિયો તે વિદ્યાર્થી પાસેથી ખરીદે છે જેની પોલીસ દ્વારા પૂછપરછ કરવામાં આવી રહી છે.

છુપાયેલા કેમેરાની શોધ અને ત્યારપછીના સંવેદનશીલ ફૂટેજના પ્રકાશનથી ઘણી મવિદ્યાર્થીનીઓને ખૂબ જ પરેશાની થઈ છે. ઘણા લોકોએ શૌચાલયની સુવિધાનો ઉપયોગ કરવા અંગે ચિંતા અને અસ્વસ્થતા વ્યક્ત કરી છે, જ્યારે કેટલાકે આ વિસ્તારને સંપૂર્ણપણે ટાળવાનું પસંદ કર્યું છે. અધિકારીઓએ ખાતરી આપી છે કે જવાબદારો સામે કડક કાર્યવાહી કરવામાં આવશે.

English summary

Andhra Pradesh engineering college girls hostel toilet found hidden camera, more than 300 videos leak