આંધ્રપ્રદેશમાં રેપના આરોપી શિક્ષકને નગ્ન કરી રસ્તા પર ફેરવ્યો

આંધ્રપ્રદેશમાં એક વિધાર્થીની સાથે બળાત્કારના આરોપીની પીટાઈ કરી તેને નગ્ન કરીને રસ્તા પર ફેરવવાનો મામલો સામે આવ્યો છે. આ મામલો આંધ્રપ્રદેશના પશ્ચિમ ગોદાવરી જિલ્લાના એલુરનો છે. આ આખી ઘટનાનો એક વીડિયો પણ સામે આવ્યો છે. આ વીડિયોમાં જોઈ શકાય છે કે એક 40 વર્ષના વ્યકતિને નગ્ન કરીને તેને રસ્તા પર પરેડ કરાવવામાં આવી રહી છે. બળાત્કારના આ આરોપીનું નામ રામબાબુ છે.

પીડિત વિધાર્થીની જેની ઉમર માત્ર 18 વર્ષ છે, બળાત્કાર પછી શિક્ષકે તેને ગર્ભપાતની ગોળી પણ આપી હતી. પરંતુ વિધાર્થીની ઘરે પહોંચી ત્યારે તેને ઉલ્ટી થવા લાગી. જયારે ઉલ્ટી થવા પર ઘરના લોકોની નજર પડી ત્યારે રેપનો આ મામલો સામે આવ્યો. વીડિયોમાં ભીડ રેપના આરોપી શિક્ષકને પકડીને લઇ જઈ રહી છે. વચ્ચે વચ્ચે આ શિક્ષકને તમાચા પણ મારવામાં આવી રહ્યા છે.

એટલું જ નહીં પરંતુ પોલીસ સ્ટેશને પહોંચવા પહેલા ભીડે આરોપી શિક્ષકની નગ્ન કરીને ધુલાઈ પણ કરી. વીડિયોમાં કેટલાક પોલીસકર્મીઓ પણ દેખાઈ રહ્યા છે જેઓ આરોપી શિક્ષકને પકડીને લઇ જતા દેખાઈ રહ્યા છે. પોલીસ સ્ટેશન પહોંચ્યા પછી આરોપી શિક્ષકને શર્ટ અને ટુવાલ આપવામાં આવ્યો હતો. આ મામલે પોલીસે કેસ નોંધી લઈને આરોપી શિક્ષકની ધરપકડ કરી લીધી છે.

English summary

Andhra Pradesh teacher beaten up and stripped paraded naked after allegedly raping students