દિલ્હીમાં પોલ્યુશન સામે મુકાબલો કરી રહી છે એન્ટી સ્મોગ ગન, જાણો તેની તમામ ખાસિયતો!
દિલ્હીમાં હવે ફરી એક વખત પ્રદુષણને લગતા ડરાવતા આંકડા આવવાનું શરૂ થઈ ગયુ છે. હજુ દિવાળી આવી નથી ત્યાં જ દિલ્હીની હવામાં ઝેરનું પ્રમાણ વધવા લાગ્યુ છે.
નવી દિલ્હી : દિલ્હીમાં હવે ફરી એક વખત પ્રદુષણને લગતા ડરાવતા આંકડા આવવાનું શરૂ થઈ ગયુ છે. હજુ દિવાળી આવી નથી ત્યાં જ દિલ્હીની હવામાં ઝેરનું પ્રમાણ વધવા લાગ્યુ છે. તારા અહેવાલો અનુસાર અત્યારથી જ દિલ્હીમાં વાયુ ગુણવત્તા સુચકાંંક 150 ને પાર કરી ગયો છે. જો કે દિલ્હી સરકાર પણ પોલ્યુશનને નીપટવા માટે સતત પગલા ભરી રહી છે. દિલ્હી સરકારે ગયા વર્ષે જ એન્ટી સ્મોગ ગનને લઈને જાહેરાત કરી હતી. હવે આ એન્ટી સ્મોગ ગનથી પોલ્યુશનને કાબુમાં કરવાના પ્રયત્નો કરાશે.
એન્ટી સ્મોગ ગન
ભારતમાં સૌપ્રથમ 2017માં એન્ટી સ્મોગ ગનનો ઉપયોગ કરાયો હતો. વધુ પ્રદુષણ ધરાવતી જગ્યાઓ પર તેનો ઉપયોગ કરાયો હતો. એન્ટિ સ્મોગ ગન હવામાં નેબ્યુલાઈઝ્ડ પાણીના બારીક ટીપાનો છંટકાવ કરે છે, જે ધૂળ અને પ્રદૂષણના કણોને શોષી લે છે. આ એન્ટી સ્મોગ ગનને લોડિંગ વાહનના પાછળના ભાગમાં પણ લગાવવામાં આવે છે. એન્ટિ સ્મોગ ગન એવી રીતે ડિઝાઇન કરવામાં આવી છે કે તે હાઇ-પ્રેશર પ્રોપેલર દ્વારા 50 થી 100 માઇક્રોનના નાના ટીપાં સાથે પાણીને ઝડપી સ્પ્રેમાં ફેરવે છે.
એન્ટી સ્મોગ ગનની ખાસિયત
એન્ટી સ્મોગ ગન સ્પ્રે ગન, મિસ્ટ ગન અથવા વોટર કેનન તરીકે પણ ઓળખવામાં આવે છે. આ ગનથી ધૂળ અને પ્રદૂષણના કણોને પાણી સાથે જોડીને જમીન પર લાવે છે, જેનાથી વાયુ પ્રદૂષણનું સ્તર ઘટે છે. એન્ટી સ્મોગ ગન પ્રદૂષણ સામે ખૂબ જ અસરકારક રીતે કામ કરે છે અને વાયુ પ્રદૂષણ પર તેની અસર વરસાદ જેવી હોય છે, જેના કારણે પ્રદૂષક નીચે બેસી જાય છે. એન્ટી સ્મોગ ગન લગભગ 150 ફૂટની ઉંચાઈ સુધી પહોંચી શકે છે અને એક મિનિટમાં 30 થી 100 લિટર પાણીનો છંટકાવ કરી શકે છે.
એન્ટી સ્મોગ ગનનો ઉપયોગ
વાયુ પ્રદૂષણ ઘટાડવા ઉપરાંત કેટલાક અન્ય હેતુઓ માટે પણ એન્ટી સ્મોગ ગનનો ઉપયોગ થાય છે. એન્ટી સ્મોગ ગન ઉપયોગ કોલસા અને પત્થરોને ગ્રાઇન્ડીંગ, ગ્રાઇન્ડીંગ દરમિયાન ઉડતી ધૂળને નિયંત્રિત કરવા માટે થાય છે. હાલમાં નોઈડામાં ટ્વીન ટાવરને તોડતી વખતે ધૂળને નિયંત્રિત કરવા માટે એન્ટી સ્મોગ ગનનો ઉપયોગ કરાયો હતો. એન્ટિ સ્મોગ ગન વિવિધ નોઝલ અને પ્રોપેલર્સ સાથે ડિઝાઇન કરવામાં આવે છે.
પ્રદૂષણ સામે કેટલી અસરકારક?
હવે સવાલ એ છે કે વાયુ પ્રદૂષણ સામે એન્ટી સ્મોગ ગન કેટલી અસરકારક છે? નિષ્ણાતોના મતે, વાયુ પ્રદૂષણ પર એન્ટી સ્મોગ ગનની અસર મર્યાદિત સમય માટે જ રહે છે. આ સિવાય કોઈ વિસ્તારમાં જેટલી એન્ટી સ્મોગ ગનનો ઉપયોગ થાય છે, તેની અસર પણ તે ભાગ સુધી મર્યાદિત હોય છે. આ તર્કના આધારે એમ કહી શકાય કે ધુમ્મસ આ ગન વાયુ પ્રદૂષણનો સામનો કરવા માટે માત્ર એક અસ્થાયી ઉપાય છે. જેના પર વધુ નિર્ભર ન રહી શકાય.
Click it and Unblock the Notifications
Sign in with Google
