ચીન શિવાય 4 મુસ્લિમ દેશોએ જી20 સમિટથી બનાવી દુરી, જાણો શું છે કારણ?
22થી 24 મે દરમિયાન શ્રીનગરમાં G20 પ્રવાસન જૂથની બેઠક યોજાઈ રહી છે. દાલ સરોવરના કિનારે યોજાનારી આ સભામાં કલા અને વારસાની સમૃદ્ધિને વિશ્વ સમક્ષ ઉજાગર કરવામાં આવશે. પરંતુ G20ના ત્રણ મહત્વપૂર્ણ સભ્ય દેશો આ બેઠકમાં ભાગ લઈ રહ્યા નથી.
ચીન, તુર્કી અને સાઉદી અરેબિયા એ G20 સભ્ય દેશો છે જેમણે શ્રીનગરમાં ચાલી રહેલી બેઠકમાં ભાગ લીધો નથી. અહેવાલો અનુસાર, સોમવારે 17 દેશોના 120 વિદેશી પ્રતિનિધિઓ શ્રીનગર પહોંચ્યા પરંતુ ચીનથી કોઈ પ્રતિનિધિમંડળ આવ્યું નથી.
જો કે, તુર્કી અને સાઉદીના કેટલાક ખાનગી પ્રવાસન પ્રતિનિધિઓ જોડાયા છે. કાશ્મીરમાં ત્રણ દિવસ ચાલનારા આ કાર્યક્રમમાં ભારત ઉપરાંત આર્જેન્ટિના, ઓસ્ટ્રેલિયા, બ્રાઝિલ, કેનેડા, ચીન, જર્મની, ફ્રાન્સ, ઈન્ડોનેશિયા, ઈટાલી, જાપાન, દક્ષિણ કોરિયા, મેક્સિકો, રશિયા, દક્ષિણ આફ્રિકા, યુકે, યુએસ અને યુરોપિયન યુનિયન ભાગ લઈ રહ્યા છે.
આ પહેલા શનિવારે ચીને સત્તાવાર રીતે તેમાં જોડાવાનો ઇનકાર કર્યો હતો. તે જ સમયે, તુર્કીએ અને સાઉદી અરેબિયાએ આ અંગે કોઈ ટિપ્પણી કરી નથી. મળતી માહિતી મુજબ, આમાંથી કોઈ પણ દેશના દિલ્હી સ્થિત દૂતાવાસે બેઠકમાં ભાગ લેવા અંગે કોઈ પ્રતિક્રિયા આપી નથી.
ચીનના વિદેશ મંત્રાલયના પ્રવક્તા વાંગ વાનબિને કહ્યું, ચીન વિવાદિત ક્ષેત્ર પર કોઈપણ પ્રકારની G-20 બેઠકનો સખત વિરોધ કરે છે. ભારતે ચીનના આ નિવેદન સામે વાંધો ઉઠાવ્યો હતો.
ભારતે ચીનને જવાબ આપતા કહ્યું કે, તે પોતાના વિસ્તારમાં મીટિંગ કરવા માટે સંપૂર્ણપણે સ્વતંત્ર છે. ચીને અગાઉ અરુણાચલ પ્રદેશ અને લદ્દાખમાં યોજાયેલી G-20 બેઠકમાં ભાગ લીધો ન હતો. તે તેને વિવાદિત વિસ્તાર માને છે.
G20 સભ્યો ઉપરાંત, ભારતે કેટલાક અતિથિ દેશો અને અનેક આંતરરાષ્ટ્રીય સંસ્થાઓના પ્રતિનિધિઓને પણ આમંત્રણ આપ્યું હતું. જેમાં બાંગ્લાદેશ, ઈજીપ્ત, મોરેશિયસ, નેધરલેન્ડ, નાઈજીરીયા, ઓમાન, સિંગાપોર, સ્પેન અને યુએઈનો સમાવેશ થાય છે. આમાં ઈજિપ્ત અને ઈન્ડોનેશિયા સિવાય અન્ય તમામ દેશોએ ભાગ લીધો હતો.
ચીન, તુર્કી અને સાઉદી અરેબિયાની સાથે આમંત્રિતો ઇજિપ્ત અને ઇન્ડોનેશિયાની ગેરહાજરીને G20 બેઠકની યજમાની કરવાના ભારતના નિર્ણયના સંદર્ભમાં વ્યૂહાત્મક પગલા તરીકે જોવામાં આવે છે. કારણ કે ઓગસ્ટ 2019માં કલમ 370 હટાવવામાં આવ્યા બાદ, જમ્મુ અને કાશ્મીરમાં આ પ્રથમ મોટી આંતરરાષ્ટ્રીય ઘટના છે.
મેની શરૂઆતમાં, ચીન અને પાકિસ્તાન બંનેએ સંયુક્ત નિવેદન બહાર પાડીને લાંબા સમયથી ચાલી રહેલા કાશ્મીર વિવાદનો મુદ્દો ઉઠાવ્યો હતો. તુર્કીના રાષ્ટ્રપતિ અર્દોઆને પણ કાશ્મીર મુદ્દે ખુલ્લેઆમ પાકિસ્તાનનો પક્ષ લીધો છે. તે જ સમયે, સાઉદી અરેબિયા પણ લાંબા સમયથી પાકિસ્તાનનો નજીકનો દેશ રહ્યો છે.
Click it and Unblock the Notifications
Sign in with Google
