આર્મી ચીફ નરવણેએ પૂર્વી લદ્દાખની મુલાકાત લીધી, સુરક્ષાની સમિક્ષા કરી!
LAC વિવાદ વચ્ચે આર્મી ચીફે લદ્દાખ સેક્ટરમાં સુરક્ષા સ્થિતીની સમિક્ષા કરી હતી. સેના પ્રમુખની મુલાકાત ઓગસ્ટની શરૂઆતમાં ભારતીય અને ચીની સેના પરત ફર્યાના માત્ર બે મહિના પછી યોજાઈ હતી.
LAC વિવાદ વચ્ચે આર્મી ચીફે લદ્દાખ સેક્ટરમાં સુરક્ષા સ્થિતીની સમિક્ષા કરી હતી. સેના પ્રમુખની મુલાકાત ઓગસ્ટની શરૂઆતમાં ભારતીય અને ચીની સેના પરત ફર્યાના માત્ર બે મહિના પછી યોજાઈ હતી. ત્યારે બંને પક્ષોએ ગોગરા અથવા પેટ્રોલ પોઈન્ટ-17 A થી તેમના ફોરવર્ડ સૈનિકોને પાછા ખેંચી લીધા હતા, જે LAC પર વિવાદનો એક મુદ્દો હતો.
આર્મી ચીફ જનરલ મનોજ મુકુંદ નરવણેએ શુક્રવારે પૂર્વ લદ્દાખના આગળના વિસ્તારોની મુલાકાત લઈને સંવેદનશીલ વિસ્તારમાં સુરક્ષા સમીક્ષા કરી હતી, જ્યાં ભારતીય સેના અને ચીની પીપલ્સ લિબરેશન આર્મી વચ્ચે વિવાદના કારણે 17 મહિનાથી સરહદી ગતિવિધીઓ બંધ છે. બંને ઘટનાક્રમથી વાકેફ અધિકારીઓએ શુક્રવારે કહ્યું કે બંને પક્ષો વિવાદિત વાસ્તવિક નિયંત્રણ રેખા પર તણાવ ઘટાડવા માટે વાતચીત કરી રહ્યા છે.
સેનાએ એક નિવેદનમાં જણાવ્યું હતું કે, નરવણેએ પૂર્વી લદ્દાખના આગળના વિસ્તારોની મુલાકાત લીધી હતી, જ્યાં તેમને પ્રવર્તમાન સુરક્ષા પરિસ્થિતિ અને સેનાની ઓપરેશનલ તૈયારીઓ વિશે માહિતી આપવામાં આવી. નિવેદનમાં કહેવામાં આવ્યું છે કે, આર્મી ચીફે સૈનિકો સાથે વાતચીત કરી અને તેમને તેમના નિશ્ચય અને ઉચ્ચ મનોબળ માટે અભિનંદન આપ્યા.
અગાઉ ભારત અને ચીને ફેબ્રુઆરીના મધ્યમાં પેંગોંગ ત્સો વિસ્તારમાં વિઘટન પ્રક્રિયાને સમાપ્ત કરી હતી, જેમાં બન્ને સેનાએ સૈન્ય, ટેન્ક, પાયદળ, યુદ્ધ વાહનો અને તોપખાનાને પરત ખેંચ્યા હતા. અહીં ગયા વર્ષે પ્રથમ વખત ગોળીબાર થયો હતો. હોટ સ્પ્રિંગ્સ અને દેપસંગની સમસ્યાઓ હલ થવાની બાકી છે. ચોક્કસપણે આ સમસ્યાઓ વર્તમાન સરહદ વિવાદને દર્શાવે છે. પેન્ગોંગ ત્સો અને ગોગરાથી પરત ફર્યા બાદ પણ બંને સેના લદ્દાખ થિયેટરમાં 50,000 થી 60,000 સૈનિકો ધરાવે છે. એલએસી સાથેના અન્ય ઘર્ષણના મુદ્દાઓ પર ચર્ચા કરવા માટે 13 મા રાઉન્ડની વાતચીતની તારીખોની જાહેરાત થવાની હજુ બાકી છે.
આર્મી ચીફે દિલ્હીમાં એક કાર્યક્રમમાં કહ્યું હતું કે, લદ્દાખમાં એલએસી સાથેના વિકાસથી પશ્ચિમ અને પૂર્વીય મોરચે "સક્રિય અને વિવાદિત સરહદો" પર ભારતીય સેનાને પડકારોનો સામનો કરવો પડ્યો હતો. પીએચડી ચેમ્બર ઓફ કોમર્સ એન્ડ ઇન્ડસ્ટ્રીના વાર્ષિક સત્રને સંબોધતા તેમણે કહ્યું કે જ્યારે દેશ કોવિડ-19 સામે લડી રહ્યો હતો ત્યારે ચીન સાથે અભૂતપૂર્વ લશ્કરી મડાગાંઠને તાત્કાલિક પ્રતિસાદ અને સંસાધનોના મોટા પૈમાના પર એકત્રીકરણની જરૂર છે.
નરવણેની લદ્દાખની મુલાકાત પણ માંડ માંડ એક મહિના પછી થઈ, એક ત્યારે જ્યારે ચીનની આર્મીના લગભગ 100 સૈનિકો ઉત્તરાખંડમાં સેન્ટ્રલ સેક્ટરમાં એલએસી ઓળંગી એક ફૂટ બ્રિજને નુકસાન પહોંચાડી પરત ફર્યા હતા. આર્મી ચીફે પૂર્વી લદ્દાખમાં રેઝાંગ લા વોર મેમોરિયલની પણ મુલાકાત લીધી અને 1962 ના ભારત-ભારત યુદ્ધ દરમિયાન શહીદ થયેલા બહાદુરોને શ્રદ્ધાંજલિ આપી.
Click it and Unblock the Notifications
Sign in with Google
