રિપબ્લિક ટીવીના એડિટર અરનબ ગોસ્વામીની ધરપકડ, જાણો મામલો
રિપબ્લિક ટીવીના એડિટર અરનબ ગોસ્વામીની ધરપકડ, જાણો મામલો
મુંબઈઃ રિપબ્લિક મીડિયા નેટવર્કના એડિટર ઈન ચીફ અર્નબ ગોસ્વામીના ઘરે આજે સવારે પોલીસ પહોંચી ગઈ અને તેમને કસ્ટડીમાં લઈ લીધા. અગાઉ અર્નબ ગોસ્વામીએ પોલીસ પર પોતાની સાતે મારપીટ કરવાનો આરોપ લગાવ્યો છે. આ સમગ્ર મામલાનો વીડિયો ફુટેજ રિપબ્લિક ટીવીએ દેખાડ્યો છે જેમાં અર્નબ ગોસ્વામી સાથેની રકજક જોઈ શકાય છે.
રિપબ્લિક ટીવીએ અર્નબ ગોસ્વામીના ઘરના લાઈવ પુટેજ પણ દેખાડ્યા છે જેમાં પોલીસ અને અર્નબ ગોસ્વામી વચ્ચે ઝપાઝપી થતી જોવા મળી રહી છે અને વીડિયોમાં કહેવામાં આવ્યું કે અર્નબ સાથે પોલીસ ઘણો ખરાબ વ્યવહાર કરી રહી છે, તેમણે તેને દવા પણ નહોતી ખાવા દીધી અને તેના પર શારીરિક બળ પણ દેખાડ્યું છે. અર્નબ ગોસ્વામીએ મુંબઈ પોલીસ પર ગુંડાગર્દીનો આરોપ લગાવતા કહ્યું કે, તેમને પરિવાર સાથે વાત કરતાં પણ રોકવામાં આવ્યા. જે બાદ અર્નબ ગોસ્વામીને મુંબઈ પોલીસ પોતાની સાથે વેનમાં લઈ ગઈ.