Arvind Kejriwal Net Worth: કેટલા કરોડના માલિક છે અરવિંદ કેજરીવાલ, પત્ની સુનીતા પાસે કેટલુ છે સોનુ, જાણો બધુ

Arvind Kejriwal Net Worth: એન્ફોર્સમેન્ટ ડિરેક્ટોરેટ (ED) એ દિલ્હીના મુખ્યમંત્રી અને આમ આદમી પાર્ટી (AAP)ના વડા અરવિંદ કેજરીવાલની દારૂ નીતિ કૌભાંડ કેસમાં ધરપકડ કરી છે. પહેલા ઈડીએ કેજરીવાલની પૂછપરછ કરી અને પછી ધરપકડ કરી. કહેવામાં આવી રહ્યું છે કે ઈડીએ કેજરીવાલને 9 વખત સમન્સ મોકલ્યા હતા.

દિલ્લીના સીએમ કેજરીવાલની ધરપકડને લઈને વિપક્ષી પાર્ટીઓ દ્વારા ભાજપ સરકાર પર હુમલો કરવામાં આવ્યો છે. આ દરમિયાન કેજરીવાલની સંપત્તિને લઈને પણ સવાલો ઉઠી રહ્યા છે. દરેકના મનમાં સવાલ છે કે કેજરીવાલની કુલ સંપત્તિ કેટલી છે?

કેજરીવાલની કુલ સંપત્તિ 3.44 કરોડ રૂપિયા છે. તેમની પાસે 12 હજાર રૂપિયા અને પત્ની પાસે 9 હજાર રૂપિયા રોકડા છે. પરિવારના 6 બેંક ખાતા છે. જેમાં કુલ 33.29 લાખ રૂપિયા જમા છે. 2020ના એફિડેવિટ મુજબ કેજરીવાલના પત્ની સુનીતા પાસે 32 લાખ રૂપિયાનું 320 ગ્રામ સોનું અને 40 હજાર રૂપિયાની કિંમતનું એક કિલો ચાંદી હતું. પત્નીના નામે 15.31 લાખ રૂપિયા મ્યુચ્યુઅલ ફંડમાં જમા છે. પત્નીના નામે 6.20 લાખ રૂપિયાની મારુતિ બલેનો છે.

અરવિંદ કેજરીવાલના પત્ની સુનીતા કેજરીવાલના નામે એક કરોડ રૂપિયાનો આલીશાન બંગલો પણ છે. તે ગુરુગ્રામ, હરિયાણામાં આવેલો છે. આ ઘર વર્ષ 2010માં લગભગ 60 લાખ રૂપિયાની કિંમતે ખરીદાયું હતું. જેની કિંમત 2020માં એક કરોડની આસપાસ પહોંચી ગઈ હતી. અરવિંદ કેજરીવાલની કોઈ બેંકમાંથી લોન ચાલતી નથી. તેમની પત્નીના પબ્લિક પ્રોવિડન્ટ ફંડ અકાઉન્ટમાં 13 લાખ રૂપિયા જમા છે.

English summary

Arvind Kejriwal and his wife Sunita net worth and property, know details.