અરવિંદ કેજરીવાલે ગોવામાં લોકસભા ચૂંટણી લડવાના આપ્યા સંકેત
આમ આદમી પાર્ટી (AAP) એ શુક્રવાર (19 જાન્યુઆરી) ના રોજ સંકેત આપ્યો કે તે ગોવાથી આગામી લોકસભા ચૂંટણી લડશે. પાર્ટીના રાષ્ટ્રીય સંયોજક અને દિલ્હીના મુખ્યમંત્રી અરવિંદ કેજરીવાલે કહ્યું કે તેમની પાર્ટી એક સીટ માટે વિપક્ષી ગઠબંધન 'ઈન્ડિયા'ના ઘટક દળો સાથે વાતચીત કરી રહી છે.
ગોવામાં લોકસભાની બે બેઠકો છે, ઉત્તર ગોવા અને દક્ષિણ ગોવામાં. જો કે કેજરીવાલે એ નથી જણાવ્યું કે તેમની પાર્ટી બેમાંથી કઈ સીટ પર ચૂંટણી લડવા માંગે છે.
કેજરીવાલે દક્ષિણ ગોવાના બેનોલીમ વિધાનસભા ક્ષેત્રમાં એક જાહેર સભાને સંબોધતા કહ્યું કે, "આમ આદમી પાર્ટી 'ઇન્ડિયન નેશનલ ડેમોક્રેટિક ઇન્ક્લુઝિવ એલાયન્સ' (ઈન્ડિયા) જોડાણના ભાગરૂપે ગોવાની બેઠક પર ચર્ચા કરી રહી છે. એકવાર કંઈક નક્કી થઈ જાય પછી અમે તમારો સંપર્ક કરીશું. વાતચીત ગમે તે હોય, લોકસભા ચૂંટણીમાં 'ઈન્ડિયા' ગઠબંધનના ઉમેદવારને ચોક્કસ મત આપો.
આ પ્રસંગે પંજાબના મુખ્યમંત્રી ભગવંત માન, રાજ્યસભાના સભ્ય સંદીપ પાઠક, આપ ગોવા એકમના વડા અમિત પાલેકર, ધારાસભ્ય વેંજી વેગસ પણ હાજર હતા. કેજરીવાલે વધુમાં કહ્યું કે આમ આદમી પાર્ટી 'કામની રાજનીતિ' કરી રહી છે. તેમણે કહ્યું, "ભૂતકાળમાં કોઈએ કામની રાજનીતિ નહોતી કરી કારણ કે તેમનો એક માત્ર હેતુ પોતાના માટે પૈસા કમાવવાનો હતો. તેમણે કહ્યું કે દિલ્હી સરકાર 550 'મોહલ્લા ક્લિનિક્સ' સફળતાપૂર્વક ચલાવી રહી છે.
દિલ્હીના મુખ્યમંત્રીએ કહ્યું, "આ ક્લિનિક્સ લોકો માટે તેમની મૂળભૂત બિમારીઓ જેવી કે શરદી, તાવ વગેરેની સારવાર માટે પડોશની આરોગ્ય સુવિધાઓ છે. આ એરકન્ડિશન્ડ ક્લિનિક છે અને તમને ત્યાં સારી સુવિધાઓ મળે છે. કેજરીવાલે આમ આદમી પાર્ટી વિપક્ષમાં હોવા છતાં બેનોલિમના ધારાસભ્ય વેગાસે તેમના મતવિસ્તારમાં ત્રણ મોહલ્લા ક્લિનિક્સ શરૂ કરવા પર પણ આશ્ચર્ય વ્યક્ત કર્યું હતું.
આમ આદમી પાર્ટીના નેતાએ કહ્યું, "અમે સમજી શકીએ છીએ કે અમે દિલ્હી અને પંજાબમાં આ કરી શકીએ છીએ કારણ કે અમે ત્યાં સત્તામાં છીએ. પરંતુ ગોવામાં વિપક્ષમાં હોવા છતાં વેન્જીએ આ ક્લિનિક્સ ખોલ્યા. મેં તેને પૂછ્યું તો તેણે મને કહ્યું કે આ ક્લિનિક્સ ડોનેશનના આધારે કામ કરે છે. તેમણે કહ્યું કે, પ્રાથમિક આરોગ્ય સુવિધાઓ પૂરી પાડવાની રાજ્ય સરકારની ફરજ છે.
ગોવા સરકાર પર નિશાન સાધતા કેજરીવાલે કહ્યું કે, "તેઓએ (સરકારે) આવું કર્યું નથી કારણ કે તેઓ આમ કરવાનો ઈરાદો ધરાવતા નથી.જો આમ આદમી પાર્ટી પૂર્ણ બહુમતી સાથે સત્તામાં આવશે તો ગોવામાં કેવો વિકાસ થશે તેની કલ્પના કરી શકાય છે.''
તેમણે કહ્યું, "કોઈપણ સરકાર એવું બહાનું બનાવી શકતી નથી કે તેની પાસે પર્યાપ્ત નાણાકીય સંસાધનો નથી. જો સરકાર આવું કહે છે, તો તેનો અર્થ એ છે કે તેઓ પૈસાની હેરાફેરી કરી રહ્યા છે. કેજરીવાલ અને માન તેમની 3 દિવસની રાજ્ય મુલાકાતના ભાગરૂપે ગુરુવારે ગોવા પહોંચ્યા હતા.''
Click it and Unblock the Notifications
Sign in with Google
