કેજરીવાલની 'આમ આદમી પાર્ટી' વિધિવત લોન્ચ

નવી દિલ્હી, 26 નવેમ્બર: સામાજિક કાર્યકર્તામાંથી રાજનીતિમાં ઝંપલાવનાર અરવિંદ કેજરીવાલની આમ આદમી પાર્ટી આજે સોમવારે હજારો સમર્થકોની વચ્ચે ઔપચારિક રીતે લોન્ચ થઇ ગઇ. આ અવસરે કેજરીવાલે જણાવ્યું કે આ પાર્ટી ભ્રષ્ટાચારની સામેના અમારા સંઘર્ષનું પરિણામ છે. પાર્ટીના નામની જાહેરાત શનિવારે જ કરી દેવામાં આવી હતી.

કેજરીવાલના સહયોગી મનોજ સિસોદિયાએ જંતર મંતર પર પાર્ટીના નામની જાહેરાત કરતા જણાવ્યું કે આ અમારી પાર્ટી છે. સિસોસિયાએ પાર્ટીની રાષ્ટ્રીય કાર્યકારીણીના 23 સભ્યોના નામની જાહેરાત પણ કરી. જેમાં સિસોદિયાનો પણ સમાવેશ થાય છે. તેમની સાથે સાથે પ્રશાંત ભૂષણ, દિનેશ વાઘેલા, સંજય સિંહ, ગોપા રાય અને કુમાર વિશ્વાસ પણ આ પાર્ટીના સભ્ય છે.

વાઘેલાએ જણાવ્યું કે કેજરીવાલ પાર્ટીના રાષ્ટ્રીય સમન્વયક છે. પંકજ ગુપ્તા રાષ્ટ્રીય સચિવ અને કૃષ્ણકાંત રાષ્ટ્રીય કોષાધ્યક્ષ છે. આ પહેલા કેજરીવાલ અને તેમના સાથીદારોએ રાજઘાટ પર જઇને રાષ્ટ્રપિતા મહાત્મા ગાંધી, અને બી. આર આંબેડકરને શ્રદ્ધાંજલિ આપી.

અત્રે ઉલ્લેખનીય છે કે કેજરીવાલે પોતાની પાર્ટીની વિધિવત જાહેરાત માટે 26 નવેમ્બરની તારીખ એટલા માટે પસંદ કરી કારણ કે 1949માં આ જ દિવસે દેશનું સંવિધાન લાગૂ થયું હતું.

English summary

Arvind Kejriwal today formally launched his 'Aam Admi Party', saying now the fight will be between leaders and the common man who has been suffering for the past 65 years since Independence.