દેશની પહેલી મહિલા ફાઇટર પાયલટ અવની જાપાનમાં સુખોઈ યુદ્ધ વિમાન ઉડાવશે
અવની ચતુર્વેદી આની સાથે જ દેશની પહેલી એવી મહિલા ફાઇટર પાયલટ બની જશે જેણે આંતરરાષ્ટ્રીય યુદ્ધાભ્યાસમાં લડાકૂ વિમાન ઉડાવ્યું હોય.
ભારતીય વાયુસેનાની પહેલી મહિલા ફાઇટર પાયલટ સ્ક્વાડ્રન લીડર અવની ચતુર્વેદી વધુ એક રેકોર્ડ નોંધવા જઇ રહી ચે. અવની ચતુર્વેદી જાપાનમાં યોજાનાર યુદ્ધાભ્યાસમાં સામેલ થવા જઇ રહી છે. આની સાથે જ તે ભારતની એવી પહેલી મહિલા ફાઇટર પાયલટ બની જશે જેણે કોઈ આંતરરાષ્ટ્રીય યુદ્ધાભ્યાસમાં હાજરી આપી હોય. અવની ચતુર્વેદી જલદી જ જાપાન માટે રવાના થશે જ્યાં તેણે યુદ્ધાભ્યાસમાં સામેલ થવાનું છે.
સ્ક્વાડ્રન લીડર અવની ચતુર્વેદી સુખોઇ 30MKIની પાયલટ છે. અવની જાપાનના ઓમિતામા સ્થિત હયાકુરી એરબેસ અને સયામા સ્થિત ઇરુમા એરબેસ આસપાસ એરસ્પેસમાં 16થી 26 જાન્યુઆરી સુધી ચાલનાર યુદ્ધાભ્યાસ વીર ગાર્ડિયન 2023 માટે ભારતીય વાયુસેનાના દળમાં સામેલ છે.
અવનીની કોર્સ મેટ અને દેશની પહેલી ત્રણ મહિલા ફાઇટર પાયલટમાંથી એક સ્ક્વાડ્રન લીડર ભાવના કાંતે કહ્યું, Su-30MKI ભારતીય વાયુ સેનાના સ્વદેશી હથિયાર પ્રણાલીથી સજ્ સૌથી સારા અને સૌથી ઘાતક પ્લેટફૉર્મ્સમાંના એક છે. ભાવના કાંતે કહ્યું કે, Su-30MKI એક બહુમુખી મલ્ટીરોલ લડાકૂ વિમાન છે જે હવાથી જમીન અને હવાથી હવા, એક સાથે બંને પ્રકારના મિશનને અંજામ આપવામાં સક્ષમ છે. તેમણે કહ્યું કે આ વિમાનની ખાસિયત છે કે તે તીવ્ર અને ઓછા, બંને પ્રકારની ગતિ સાથે હુમલો કરી શકે છે.
ભાવના કાંતે કહ્યું કે મલ્ટીપલ રિફ્યૂલિંગના કારણે આ લડાકૂ વિમાન લાંબી દૂરીના મિશનને અંજામ આપવાની ક્ષમતા ધરાવે છે. તેમણે આગળ કહ્યું કે આ લડાકૂ વિમાનને સહેલાઇથી નવીનતમ હથિયારોથી સજ્જ કરી શકાય છે અને સહેલાઇથી મિશનને અંજામ આપી શકાય છે. તેમણે આગળ કહ્યું, સમ્માનિત ફોર્સનો ભાગ હોવા પર અમને ગર્વ છે. ઉલ્લેખનીય છે કે ભારતીય વાયુસેનામાં ત્રણ મહિલા ફાઇટરને તેનાત કરવામાં આવ્યાં હતાં. તેમાં અવની ચતુર્વેદી સાથે અન્ય બે મહિલાઓ પણ હતી. ભાવના કાંત પણ તેમનો ભાગ છે.
Click it and Unblock the Notifications
Sign in with Google
