Ram Mandir: રામ મંદિર પ્રાણ પ્રતિષ્ઠા અનુષ્ઠાનનો આજે 5મો દિવસ, જાણો કઈ-કઈ પૂજા થશે?
Ram Mandir Inauguration: રામ મંદિરના પ્રાણ પ્રતિષ્ઠાની તૈયારીઓ લગભગ પૂર્ણ થઈ ગઈ છે. 22 જાન્યુઆરીએ યોજાનાર રામ લલ્લાના અભિષેક માટે પૂજા અને અનુષ્ઠાન 16 જાન્યુઆરીથી જ શરૂ કરી દેવામાં આવ્યું છે. આજે 20 જાન્યુઆરી શનિવારના રોજ રામ મંદિર પ્રાણ પ્રતિષ્ઠા વિધિનો પાંચમો દિવસ છે.
શ્રી રામ જન્મભૂમિ તીર્થ ક્ષેત્રે ટ્વીટ કરીને માહિતી આપી છે કે શનિવારે નિત્ય પૂજા, હવન, પારાયણ વગેરે કરવામાં આવશે. તેમણે કહ્યું કે, સવારે શર્કરાધિવાસ, ફલાધિવાસ, 81 કલશોમાં સ્થિત વિવિધ ઔષધિયુક્ત જળથી સ્નપન, પ્રસાદનું અધિવાસન, પિંડિકા અધિવાસન, પુષ્પાધિવાસ, સંધ્યા પૂજા અને આરતી થશે.
શ્રી રામજન્મભૂમિ તીર્થ ક્ષેત્રે જણાવ્યું છે કે, શ્રી રામ જન્મભૂમિ તીર્થ ક્ષેત્રે કહ્યુ છે કે શુક્રવારે શ્રી રામ પ્રતિષ્ઠા કાર્યના ભાગરૂપે, અરણિમાંથી પ્રગટ અગ્નિની નવકુંડોમાં સ્થાપના કરવામાં આવી હતી. હવન કાર્ય ભવ્ય રીતે કરવામાં આવ્યુ હતુ. જે બાદ વેદપારાયણ અને રામાયણપરાયણ સાંભળવામાં આવ્યું હતું. ત્યાં રામજીની તેમના પરિવાર સહિત સ્થાપના અને પૂજા કરવામાં આવી હતી. સાંજની પૂજા સાથે દિવ્ય આરતી થઈ હતી.
અયોધ્યામાં પ્રાણ પ્રતિષ્ઠા સમારોહની તૈયારીઓ વચ્ચે દેશભરમાંથી લોકોનુ ઘોડાપૂર ઉમટી રહ્યુ છે. 22 જાન્યુઆરીના કાર્યક્રમ માટે દેશભરમાંથી લોકો ભેટ મોકલી રહ્યા છે. ભેટોની યાદીમાં કન્નૌજનું વિશેષ અત્તર, અમરાવતીથી 500 કિલોગ્રામ કુમકુમના પાન, દિલ્હીના રામ મંદિરમાંથી એકત્ર કરાયેલ અનાજ, ભોપાલના ફૂલો અને મધ્યપ્રદેશના છિંદવાડામાંથી 4.31 કરોડ વખત ભગવાન રામ લખેલા કાગળો સામેલ છે.
રામ મંદિર પ્રબંધન સમિતિએ અન્ય સ્થળોએથી પણ પ્રસાદ મેળવ્યો છે. જેમ કે 108 ફૂટની અગરબત્તી, 2,100 કિલોની ઘંટડી, 1,100 કિલો વજનનો વિશાળ દીવો, સોનાના ચંપલ, 10 ફૂટ ઊંચું તાળું અને ચાવી સાથેની ઘડિયાળ, જે એક સાથે આઠ દેશોનો સમય જણાવે છે.
शुक्रवार को श्री रामजन्मभूमि स्थित श्री राम प्रतिष्ठा कार्य के अन्तर्गत अरणि से प्रकट अग्नि की नवकुण्डों में स्थापना हुई। हवन का कार्य भव्यता से हुआ।
— Shri Ram Janmbhoomi Teerth Kshetra (@ShriRamTeerth) January 19, 2024
वेदपारायण, रामायणपारायण सुश्राव्य हुआ। मण्डप में राजा श्री रामभद्र की रचना अत्यंत आकर्षक थी। उसमें सपरिवार रामजी की स्थापना एवं… pic.twitter.com/jgjdmGPI4q
Click it and Unblock the Notifications
Sign in with Google
