બિયાસ કરુણાંતિકા : બદનસીબ વિદ્યાર્થીઓના મોત પહેલાની મસ્તીની છેલ્લી તસવીરો

Published: Tuesday, June 10, 2014, 15:40 [IST]

શિમલા, 10 જૂન : એન્જીનિયરિંગના વિદ્યાર્થીઓને હિમાચલના મંડીમાં મોત ગળી ગયું એ પહેલાં તેમણે પોતાના મિત્રો સાથે જે મસ્તીની પળો વિતાવી હતી તેના કેટલાક ખાસ ફોટો વનઇન્ડિયાને મળ્યા છે. આ ફોટો માત્ર તેમના મિત્રો જ નહીં પણ કોઇપણ લાગણીશીલ વ્યક્તિને વિહવળ બનાવી દે છે.

બીજી તરફ હૈદરાબાદની વીએનઆર એન્જીનીયરિંગ કોલેજમાં મૃતક વિદ્યાર્થીઓના માતા-પિતાના આક્રંદ આધાતના સન્નાટાને વધારે ભયાનક બનાવી રહ્યા છે.

હિમાચલના મંડી જિલ્લામાં રવિવારે પાણીનો પ્રવાહ વધવાથી 24 છાત્રો વ્યાસ નદીમાં તણાઇ ગયા હતા. તેમાંથી 5 વિદ્યાર્થીઓની લાશ મળી આવી છે જ્યારે બાકીના 19 વિદ્યાર્થીઓનો હજી સુધી પત્તો લાગી ગયો નથી. આ માટે રેસ્ક્યુ ફોર્સે સર્ચ ઓપરેશન હાથ ધર્યું છે.

બિયાસ કરુણાંતિકા કેસમાં હિમાચલ પ્રદેશ હાઇકોર્ટે રાજ્ય સરકારને 16 જૂન સુધી એટલે કે એક જ સપ્તાહમાં અહેવાલ સોંપવા જણાવ્યું છે. મહત્વનું છે કે રાજ્ય સરકારે અગાઉ જ લારજી ડેમના જવાબદાર ત્રણ અધિકારીઓને સસ્પેન્ડ કરી દીધા છે.

હિમાચલ પ્રદેશના મંડીમાં આવેલી બિયાસ નદીમાં 44 વિદ્યાર્થીઓ તણાઇ જવાની દુર્ઘટનામાં ડૂબેલા વિદ્યાર્થીઓ માટે સર્ચ ઓપરેશન હજી પણ ચાલી રહ્યું છે. સર્ચ ઓપરેશન માટે નદીમાં પાણીનું સ્તર ઘટાડવામાં આવી રહ્યું છે, જેથી મૃતદેહોને શોધવામાં સરળતા રહે.

આ દુર્ઘટનામાં 20 વિદ્યાર્થીઓ બચી ગયા છે જે હૈદરાબાદ પરત ફર્યા છે. દુર્ઘટનામાં બચેલા કેટલાક વિદ્યાર્થીઓનો આરોપ છે કે નદીનું જળ સ્તર વધારવામાં આવ્યું તે પહેલા તેમને કોઈ જ પ્રકારની ચેતવણી આપવામાં આવી નહોતી.

અહીં જોઇએ વિદ્યાર્થીઓની મોત પહેલાની મસ્તીની પળો અને મોત બાદ તેમની એન્જીનીયરિંગ કોલેજમાં કેવી સ્થિતિ ઉભી થઇ છે તેની તસવીરો...