રાજસ્થાનમાં ચૂંટણી પહેલા કોંગ્રેસ સરકારનો મોટો દાવ, 100 યુનિટ વિજળી મફત આપશે
રાજસ્થાનની અશોક ગેહલોત સરકારે ચૂંટણી પહેલા મોટો દાવ ખેલ્યો છે. આ વર્ષના અંતમાં રાજ્યમાં વિધાનસભા ચૂંટણી યોજાવા જઈ રહી છે ત્યારે અશોક ગેહલોત સરકારે 100 યુનિટ મફત વીજળી આપવાની જાહેરાત કરી છે.
કર્ણાટકમાં બીજેપીને ખરાબ રીતે હરાવ્યા બાદ હવે કોંગ્રેસે રાજસ્થાનમાં સત્તા બચાવવા માટે તૈયારીઓ શરૂ કરી છે. આગામી ચૂંટણી પહેલા કોંગ્રેસની સરકારે મોટો દાવ ખેલતા રાજ્યમાં 100 યુનિટ વીજળી મફત આપવાની જાહેરાત કરી છે.
મફત વીજળીની જાહેરાત કરતા અશોક ગેહલોતે કહ્યું કે, મોંઘવારી રાહત શિબિરોનું નિરીક્ષણ કર્યા પછી અને લોકો સાથે વાત કર્યા પછી પ્રતિસાદ મળ્યા હતા કે વીજળીના બિલમાં સ્લેબ મુજબની મુક્તિમાં થોડો ફેરફાર થવો જોઈએ. મે મહિનામાં વીજળીના બિલમાં ફ્યુઅલ સરચાર્જ અંગે પણ જનતા પાસેથી પ્રતિસાદ મળ્યો હતો. જેના આધારે મોટો નિર્ણય લેવામાં આવ્યો છે.
https://gujarati.oneindia.com/news/india/before-the-elections-in-rajasthan-the-congress-government-announced-100-units-of-free-electricity-105330.htmlઅશોક ગેહલોતે કહ્યું કે, દર મહિને 100 યુનિટ સુધી વીજળીનો વપરાશ કરનારાઓનું વીજળી બિલ શૂન્ય થઈ જશે. જે પરિવારો દર મહિને 100 યુનિટથી વધુ વપરાશ કરે છે તેમને પણ પ્રથમ 100 યુનિટ વીજળી વિનામૂલ્યે આપવામાં આવશે, એટલે કે બિલ ગમે તેટલું આવે. પહેલા 100 યુનિટને કોઈ વીજળીનો ચાર્જ ચૂકવવો પડશે નહીં.
સીએમ ગેહલોતે આદળ કહ્યું કે, ખાસ કરીને મધ્યમ વર્ગના લોકોને ધ્યાનમાં રાખીને દર મહિને 200 યુનિટ સુધી વીજળીનો વપરાશ કરતા ગ્રાહકોને પ્રથમ 100 યુનિટ મફત મળશે અને સાથે 200 યુનિટ સુધીના ફિક્સ ચાર્જ, ફ્યુઅલ સરચાર્જ અને અન્ય તમામ ચાર્જ માફ કરવામાં આવશે અને તેની ચુકવણી રાજ્ય સરકાર કરશે.
Click it and Unblock the Notifications
Sign in with Google
