ગત છ વર્ષમાં છત્તીસગઢમાં થયેલા મોટા નક્સલી હુમલા

Updated: Sunday, May 26, 2013, 16:25 [IST]

રાયપુર, 26 મેઃ છત્તીસગઢ જગદલપુરમાં કોંગ્રેસની પરિવર્તન યાત્રામાં અંદાજે 200 નક્સલીઓએ હુમલો કરી સલવા જુડૂમના સંસ્થાપક અને કોંગ્રેસી નેતા મહેન્દ્ર કર્મા અને પૂર્વ વિધાયક ઉદય મુદલિયાર સહિત 27 લોકોની હત્યા કરી દીધી. આ હુમલામાં પૂર્વ મંત્રી વિદ્યા ચરણ શુક્લને પણ ગોળીઓ લાગી છે, જેમને મેદાન્તા હોસ્પિટલમાં દાખલ કરવામાં આવ્યા છે. તેમની હાલત નાજૂક બનાવવામાં આવી છે.

આ હુમલાએ આખા દેશને વિચારવા માટે મજબૂર કરી દીધો છે કે ક્યારે રોકાશે આવી ઘટનાઓ અને ક્યારે ખતમ થશે નક્સલવાદ. જો મોટા હુમલાની વાત કરીએ તો દંતેવાડા નક્સલી હુમલા બાદ આ સૌથી મોટો હુમલો છે. આ હુમલામાં નક્સલીઓએ એક-એક કોંગ્રેસી નેતા અને કાર્યકર્તાઓ પર ચાલીસ-ચાલીસ ગોળીઓ ચલાવી. આ વારદાતને જોતા આગામી વિધાનસભા ચૂંટણી સુધી આવી અન્ય હુમલા થવાની આશંકા વધી ગઇ છે.

આ હુમલાને જોઇને મુખ્યમંત્રી રમણ સિંહે પોતાની વિકાસયાત્રા રોકી દીધી છે. હુમલા બાદ પ્રદેશ કોંગ્રેસ અધ્યક્ષ નંદ કુમાર પટેલ અને તેમના પુત્ર દિનેશ પટેલ લાપતા હતા, જેમના મૃતદેહ રવિવારે સવારે ઘટના સ્થળેથી થોડેક દૂર મળી આવ્યા. ઘટનાસ્થળેથી મૃતદેહો કાઢવાનું કામ જારી છે, તેથી મૃતકોની સંખ્યા વધી શકે છે. આ હુમલામાં ઘણા સુરક્ષાકર્મી પણ માર્યા ગયા છે.

હુમલા બાદ છત્તીસગઢ પોલીસે સીઆરપીએફની સાથે મળી નક્સલીઓની શોધખોળ શરૂ કરી દેવામાં આવી છે. પોલીસ મહાનિદેશક રામનિવાસે જણાવ્યું કે હજુ સુધી 37ની મોત અને 32 ઇજાગ્રસ્ત થયા છે. આ વિસ્તારમાં ભારે વરસાદ આવી રહ્યો છે, જેના કારણે શોધખોળ કરવામાં મુશ્કેલી પડી રહી છે.

ગત છ વર્ષમાં થયેલા મોટા નક્સલી હુમલા