પંજાબમાં નશાખોરી સામે ભગવંત માન સરકારનું મોટું પગલું, પોલીસ વિભાગમાં થશે ફેરફાર
મુખ્યમંત્રી ભગવંત સિંહ માનની સરકાર પંજાબને નશાની લતમાંથી બહાર કાઢવા માટે સતત મોટા પગલા લઈ રહી છે. આ જ કારણ છે કે મુખ્યમંત્રીએ પોલીસ વિભાગમાં કેટલાક ફેરફારો કર્યા છે જેથી ડ્રગ્સ સંબંધિત રેકેટ અને માફિયા-પોલીસની સાંઠગાંઠનો પર્દાફાશ થઈ શકે. મુખ્યમંત્રીએ એ વાત પર પણ ભાર મૂક્યો છે કે આ માંગ ઘણા સમયથી ઉઠી રહી હતી.
સરકાર દ્વારા લેવામાં આવેલા આ નિર્ણયનો હેતુ ડ્રગ્સ રેકેટ અને પોલીસ વચ્ચેના સંબંધને ખતમ કરવાનો છે. છેલ્લા ઘણા સમયથી ઘણા અધિકારીઓ એક જ હોદ્દા પર બિરાજમાન છે, જેના કારણે આ લોકો એવું વાતાવરણ ઉભું કરે છે કે ભ્રષ્ટાચારને પ્રોત્સાહન મળે અને ગુનાખોરી વધે.
મુખ્યમંત્રીએ કહ્યું કે સમગ્ર વ્યવસ્થામાં પરિવર્તનની જરૂર છે. અમે પોલીસ વિભાગમાં ફેરબદલ કરીશું જેથી પંજાબમાં ડ્રગ માફિયાઓ અને વહીવટીતંત્ર વચ્ચેની સાંઠગાંઠનો અંત લાવી શકાય.
હકીકતમાં, હરિયાણા અને પંજાબમાં આવા મામલાઓને લઈને હાઈકોર્ટે કડક ટિપ્પણી કરી હતી, જેના પછી ભગવંત માનવ સરકારે આ પગલું ભર્યું છે. કોર્ટે તાજેતરમાં ડીજીપીને સમન્સ પાઠવી હાઈપ્રોફાઈલ ડ્રગ કેસમાં સવાલોના જવાબ આપવા કહ્યું હતું. મુખ્યમંત્રીએ કહ્યું કે પોલીસ અધિકારીઓની ફેરબદલી અંગે પણ વિચારણા કરવામાં આવી રહી છે.
Click it and Unblock the Notifications
Sign in with Google
