બિહાર BJPએ પટના રેલી માટે 30,000 NaMo કુર્તા ઓર્ડર કર્યા

પટના, 9 ઓક્ટોબર : ભાજપના પીએમ પદના ઉમેદવાર નરેન્દ્ર મોદીના કટ્ટર વિરોધી નીતિશ કુમારના ગઢ બિહારની રાજધાની પટનામાં 27 ઓકટોબરે યોજાનારી નરેન્દ્ર મોદીની હુંકાર રેલી માટે જોર શોરથી તૈયારીઓ ચાલી રહી છે. આ રેલી માટે 30,000 ખાસ નમો કુર્તા બનાવવાનો ઓર્ડર આપવામાં આવ્યો છે. આ કુર્તાની ખાસિયત એ છે કે તેમાં એક તરફ કમળ બન્યું છે અને બીજી તરફ લખ્યું છે નમોમંત્ર.

બીજેપીના સ્પેશિયલ નમો બ્રાન્ડેડ કુર્તા બનાવવા માટે સુરતના એક હોલસેલ કાપડના વેપારીને ઓર્ડર મળ્યો છે. આ કુર્તાને મુસ્લિમ દરજીઓ સીવી રહ્યા છે. આ કુર્તા જોવામાં મુસ્લિમ લોકો પહેરે તેવા જ કુર્તા હશે. કફની પ્રકારના આ કુર્તા લાંબા હશે.

અ કુર્તાના કોલરમાં પણ નમો મંત્ર લખેલું હશે. આગળના ભાગ પર એક તરફ કમળ અને બીજી તરફ હિન્દીમાં નમો અને ઇંગ્લીશમાં મંત્ર લખેલું છે. આ ખાસ કુર્તા વાઈટ અને ક્રીમ શેડમાં છે. બીજેપી તેમાંથી 5,000 કુર્તા સુરતના ગરબા ડાન્સર્સને પણ આપશે.

આ સંપૂર્ણ કામની દેખરેખ સુરત નવસારીથી બીજેપીના એમપી ચંદ્રકાંત રધુનાથ પાટીલ ખુદ કરી રહ્યા છે. સુરતના જ એક સાડી બનાવનાર નરેન્દ્ર મોદી માટે વપરાયેલા નામ નમોના લેબલ વાળી સાડીઓ તૈયાર કરી રહ્યા છે, જેને સાઉથ ઇન્ડિયા મોકલવામાં આવશે.

English summary

Bihar BJP orders 30,000 NaMo kurtas for Patna rally