Rajyasabha Election: રાજ્યસભા પેટા-ચૂંટણી માટે ભાજપે જાહેર કરી યાદી, જાણો 9 ઉમેદવારોના નામ

Updated: Tuesday, August 20, 2024, 19:31 [IST]

Rajya Sabha ByElection 2024: સંસદના ઉપલા ગૃહ રાજ્યસભાની ખાલી પડેલી બેઠકો માટે ટૂંક સમયમાં પેટાચૂંટણી યોજાવા જઈ રહી છે. આ પેટાચૂંટણી માટે તમામ પક્ષો દ્વારા તૈયારીઓ શરૂ કરી દેવામાં આવી છે.

આ ઉપક્રમે ભારતીય જનતા પાર્ટી દ્વારા મંગળવારના રોજ પોતાના ઉમેદવારોની જાહેરાત કરી દેવામાં આવી છે.

ભારતીય જનતા પાર્ટીએ વિવિધ રાજ્યોમાંથી કુલ 9 ઉમેદવારોની જાહેરાત કરી છે. ભારતીય જનતા પાર્ટી તરફથી કયા નેતાઓને રાજ્યસભાની ટિકિટ મળી છે? એ વિશે આપણે આ અહેવાલમાં જાણીશું.

મધ્યપ્રદેશથી જ્યોર્જ કુરિયનનું નામ - ભારતીય જનતા પાર્ટી દ્વારા કેન્દ્રીય મંત્રી જ્યોર્જ કુરિયનને મધ્યપ્રદેશની રાજ્યસભા સીટ માટે પોતાના ઉમેદવાર બનાવવામાં આવ્યા છે.

જ્યોતિરાદિત્ય સિંધિયા લોકસભા ચૂંટણી જીત્યા બાદ રાજ્યસભાની આ બેઠક ખાલી પડી હતી. ઉલ્લેખનીય છે કે, જ્યોર્જ કુરિયન મોદી કેબિનેટમાં પશુપાલન, મત્સ્ય અને ડેરી વિભાગના રાજ્યકક્ષાના મંત્રી છે.