UP Elections: લખીમપુર ખેરીમાં 4 સીટ પર ભાજપ આગળ
UP Elections: લખીમપુર ખેરીમાં 4 સીટ પર ભાજપ આગળ
ઉત્તર પ્રદેશમાં 7 તબક્કામાં મતદાન સંપન્ન થયા બાદ આજે 10 માર્ચના રોજ વહેલી સવારે 8 વાગ્યેથી મતગણતરી હાથ ધરવામાં આવી છે. મતગણતરી કેન્દ્રો પર ત્રિસ્તરીય સુરક્ષા વ્યવસ્થા ગોઠવવામાં આવી છે અને તમામ મતગણતરી કેન્દ્રો પર સીસીટીવી કેમેરા લગાવવામાં આવ્યા છે.
પોસ્ટલ બેલેટ પરની ગણતરી થઈ રહી છે અને લખીમપુર ખેરીની 4 સીટ પર ભાજપે લીડ મેળવી લીધી છે, જણાવી દઈએ કે વિધાનસભા ચૂંટણી દરમિયાન લખીમપુર ખેરી ચર્ચાનો વિષય બન્યું હતું.
લખીમપુર ખેરી કેમ ફોકસમાં છે?
ગત ઓક્ટોબર મહિનામાં લખીમપુર ખેરીમાં થયેલ હુલ્લડોમાં 4 ખેડૂત સહિત 8 લોકોની હત્યા થઈ હતી. કથિત રીતે ભાજપના કાર્યકરોએ ખેડૂતો પર કાર ચડાવી દીધી હતી. આ કેસમાં પોલીસે કેન્દ્રીય મંત્રી અજય મિશ્રાના પુત્ર આશિષ મિશ્રાની ધરપકડ કરી હતી અને ગયા મહિને તેને જામીન મળ્યા હતા.
ચૂંટણી કેમ્પેઈન દરમિયાન ભાજપને ખેડૂત વિરોધી દર્શાવવા માટેની કોંગ્રેસે એકેય કસર નહોતી છોડી.
આ તબક્કે તમામ આઠ વિધાનસભા બેઠકો ભાજપ પાસે છે.
2017ની વિધાનસભા ચૂંટણીમાં ભાજપના યોગેશ વર્માએ સમાજવાદી પાર્ટીના ઉત્કર્શ વર્મા મધુરને 37,748 વોટથી માત આપી હતી.
આ વખતે જિલ્લાની આઠ વિધાનસભા બેઠકો પર કુલ 65 ઉમેદવારો મેદાનમાં હતા. શાસક પક્ષ ભાજપ અને મુખ્ય વિપક્ષી પાર્ટી સમાજવાદી પાર્ટી બંનેએ 2017ના પોતાના પ્રતિસ્પર્ધીઓને જાળવી રાખ્યા છે.