ડીએમકે નેતાનો બીજેપી પર આકરો પ્રહાર, કહ્યું-બીજેપી માત્ર ગૌમુત્ર વાળા રાજ્યોમાં ચૂંટણી જીતે છે

હિન્દી બેલ્ટના મધ્યપ્રદેશ, રાજસ્થાન અને છત્તીસગઢ વિધાનસભા ચૂંટણીમાં બીજેપીને મોટી સફળતા મળી છે અને સરકાર બનાવવા જઈ રહી છે. હવે આ અંગે ડીએમતે સાંસદે વિવાદાસ્પદ નિવેદન આપીને વિવાદ છેડ્યો છે.

ડીએમકે સાંસદ સેંથિલ કુમારે સંસદમાં આપેલા નિવેદન પર મોટો વિવાદ થઈ રહ્યો છે. તેમણે કહ્યું કે, બીજેપી માત્ર ગૌમૂત્ર રાજ્યોમાં જ ચૂંટણી જીતે છે.

તેમણે કહ્યું કે, આ બીજેપીની તાકાત મુખ્યત્વે હિન્દી હાર્ટલેન્ડ રાજ્યોમાં ચૂંટણી જીતવાની છે, જેને આપણે સામાન્ય રીતે ગૌમૂત્ર રાજ્યો કહીએ છીએ. સેંથિલ કુમારે દક્ષિણના રાજ્યો તમિલનાડુ, કેરળ, આંધ્રપ્રદેશ અને તેલંગાણામાં ભાજપની નિષ્ફળતાઓ પર આકરા પ્રહાર કર્યા.

તેમણે કહ્યું કે, આ દેશની જનતાએ વિચારવું જોઈએ કે આ બીજેપીની તાકાત માત્ર હિન્દી હાર્ટલેન્ડ રાજ્યોમાં ચૂંટણી જીતવાની છે, જેને આપણે સામાન્ય રીતે ગૌમૂત્ર રાજ્યો કહીએ છીએ. આ પહેલીવાર નથી કે જ્યારે સેંથિલ કુમારે હિન્દી બેલ્ટના રાજ્યોને ગૌમૂત્રના રાજ્યો કહ્યા હોય. રાષ્ટ્રીય શિક્ષણ નીતિ 2022 પર બોલતી વખતે DMK સાંસદે ગૌમૂત્રશબ્દનો ઉપયોગ કર્યો હતો.

બીજી તરફ કોંગ્રેસના સાંસદ અધીર રંજન ચૌધરીએ કહ્યું કે, સંસદમાં એક વ્યક્તિ શું બોલે તેની સાથે અમારે કોઈ લેવાદેવા નથી, આ તેમનું પોતાનું નિવેદન છે. અમે ગાય માતાનું સન્માન કરીએ છીએ, મારે આ અંગે કંઈ કહેવું નથી.

English summary

BJP wins elections only in states with cow urine - DMK