બ્રિટન ભારતના ગ્રીન પ્રોજેક્ટમાં 1.2 અબજ ડોલરનું રોકાણ કરશે!
યુકે સરકારે ગુરુવારે 11 મા આર્થિક અને નાણાકીય સંવાદ (EFD) દરમિયાન ભારતના ગ્રીન અને રિન્યુએબલ એનર્જી પ્રોજેક્ટ્સમાં જાહેર અને ખાનગી રોકાણ માટે 1.2 અબજ ડોલરના પેકેજની જાહેરાત કરી હતી.
યુકે સરકારે ગુરુવારે 11 મા આર્થિક અને નાણાકીય સંવાદ (EFD) દરમિયાન ભારતના ગ્રીન અને રિન્યુએબલ એનર્જી પ્રોજેક્ટ્સમાં જાહેર અને ખાનગી રોકાણ માટે 1.2 અબજ ડોલરના પેકેજની જાહેરાત કરી હતી. યુકેએ નવેમ્બરમાં COP26 ક્લાઇમેટ કોન્ફરન્સના આયોજન પહેલા જાહેરાત કરી છે. યુકે સરકારે કહ્યું કે આ પેકેજ ભારતની હરિત ક્રાંતિને વેગ આપવા માટે મદદ કરે તેવી અપેક્ષા છે.
પેકેજમાં યુકે સ્થિત ડેવલપમેન્ટ ફાઇનાન્સ સંસ્થા CDC તરફથી ભારતમાં ગ્રીન પ્રોજેક્ટમાં રોકાણ અને નવીન ગ્રીન ટેકનોલોજી સોલ્યુશન્સ પર કામ કરતી કંપનીઓને ટેકો આપવા માટે બંને સરકારોનું સંયુક્ત રોકાણ સામેલ છે. પેકેજમાં સંયુક્ત ગ્રીન ગ્રોથ ઇક્વિટી ફંડમાં 200 મિલિયન ડોલરનું નવું ખાનગી અને બહુપક્ષીય રોકાણ પણ સામેલ છે, જે ભારતીય નવીનીકરણીય ઉર્જામાં રોકાણ કરે છે.
બંને દેશોએ ક્લાઇમેટ ફાઇનાન્સ લીડરશીપ ઇનિશિયેટિવ (CFLI) ના લોન્ચિંગનું પણ સ્વાગત કર્યું છે. જેનું નેતૃત્વ 6.2 ટ્રિલિયન ડોલરની સંપત્તિ માટે જવાબદાર અગ્રણી નાણાકીય સંસ્થાઓના જૂથ દ્વારા કરવામાં આવશે. તેની અધ્યક્ષતા યુએન ક્લાયમેટ એમ્બિશન એન્ડ સોલ્યુશન્સ પર યુએનના ખાસ દૂત માઇકલ બ્લૂમબર્ગ કરશે,. યુકેના નાણામંત્રી ઋષિ સુનક અને તેમના ભારતીય સમકક્ષ નિર્મલા સીતારમણ આ અંગે સંમત થયા છે.
એક નિવેદનમાં કહેવાયુ કે, તે યુકેની નાણાકીય કંપનીઓ માટે નવી તકો પણ ખોલી શકે છે અને લંડનમાં વધુ ભારતીય કંપનીઓને નાણાં મેળવવા માટે મદદ કરી શકે છે. નોંધનીય છે કે, સેવાઓનો યુકે જીડીપીના 71% અને ભારતીય જીડીપીના 54% હિસ્સો છે. સુનકે કહ્યું કે આ મહત્વપૂર્ણ નવા કરારો ભારત-યુકે સંબંધોને વેગ આપશે અને બંને દેશોને ફાયદો થશે.
ભારતના ગ્રીન ડેવલપમેન્ટને ટેકો આપવો એ સહિયારી પ્રાથમિકતા છે, તેથી મને ખુશી છે કે અમે 1.2 અબજ ડોલરના રોકાણ પેકેજની જાહેરાત કરી છે અને ભારતમાં ટકાઉ પ્રોજેક્ટ્સમાં રોકાણને પ્રોત્સાહન આપવા માટે નવી CFLI ઇન્ડિયા ભાગીદારી શરૂ કરી છે. તેમણે કહ્યું કે વેપાર વાટાઘાટો સાથે ભારત અને યુકે વચ્ચે સેવાઓ પર વિચાર કરવા માટે મહત્વાકાંક્ષી કરાર બંને દેશોમાં રોજગાર અને રોકાણ પેદા કરશે.